Dostlar! Bilirsiniz ki, “Cash Investigation” adlı jurnalist araşdırmasında Azərbaycanı diktatura və İlham Əliyevi isə despot adlandırdığına görə Azərbaycan hakimiyyəti “Fransce 2” televiziyasının jurnalisti Elise Lucet və reportyoru Laurent Richardi məhkəməyə vermişdi. Burada məsələnin maddi tərəfi əhəmiyyətli olmadığına görə jurnalistlərdən toplam 1 avro tələb edilirdi.
Aeannews-tərəfi əhəmiyyətli olmadığına görə jurnalistlərdən toplam 1 avro tələb edilirdi. Amma Fransa məhkəməsinin bu gün elan edilən qərarına görə hətta bu, 1 avronu da almaq mümkün olmadı.
Əlavə məlumat üçün deyim ki, reportyor Laurent Richard bir neçə nəfərlik çəkiliş qrupu ilə keçmiş Fransa president Fransua Ollandın səfəri zamanı Bakıya gəlmişdi və səfər əsnasında onlar bizdə də olub 2013-cü il prezident seçkiləri, hakimiyyətin korrupsiya şəbəkəsi barədə geniş müsahibə almışdılar. Jurnalistlər bizim evdə olanda təhlükəsizlik orqanlarının işçiləri binanın ətrafında vurnuxurdular. Onlar Bakını tərk edənda hava limanında jurnalistlərin əşyaları ciddi şəkildə yoxlanmış, kameraları, kameraların yaddaşı və digər texniki avadınlıqları müsadirə edilmişdi. Lakin Fransa xarici işlər nazirliyinin müdaxiləsindən sonra avadanlıqlar jurnalistlərə qaytarılmışdı. Parisə döndükdən sonra onlar öz işlərini gördülər və hazırladıqları telearaşdırmada Azrbaycanı diktatura, İlham Əliyevi isə despot kimi xarakteriza etmişdilər. Azərbaycan hakimiyyətinin “dünyanın ən sərt diktaturalarından biri” kimi təqdim edildiyi bu araşdırma Avropa və bütün dünyada geniş yayılmış, böyük əks-səda doğurmuşdu.
Azərbaycan hakimiyyətinin ölkədə dekorasiyaya çevirdiyi məhkəmə sisteminə aldanaraq və Fransada formalaşdırdığı lobbi qrupuna arxalanaraq Fransa jurnalistlərinə qarşı qaldırdığı iddiaya bu ilin sentyabr ayının 5-də Paris məhkəməsi baxmış və bu gün, noyabr ayının 7-də məhkəmə öz qərarını elan etmişdir, iddia birmənalı olaraq rədd edilmişdir. Doğrusu, bu iddia nəticələri əvvəlcədən düşünülməmiş ağılsız bir addım idi. Fransa məhkəməsinin bu qərarı Azərbaycan hakimiyyətinin və İlham Əliyevin avtoritarizmini, ölkədə yaratdığı diktatorluq idarə üsulunu, seçkilərin saxtalaşdırılması, korrupsiya vəsaitləri hesabına Qərb ölkələrində lobbi şəbəkəsi yaratmaq cəhdlərini və insan hüquqlarının kütləvi şəkildə pozulması hallarını daha ətraflı ifşa etmək üçün müxtəlif ölkələrdəki araşdırmaçı jurnalistlər və beynəlxalq hüquq müdafiəçiləri əlavə hüquqi müstəvi əldə etdiər.