Bu gün Beynəlxalq Mətbuat Mərkəzində AİP Qadınlar Şurasının təşkilatçılığı ilə “Ərbəin – İkinci Aşura” adlı konfrans keçirilib
Aran Agentiliyi: Konfrans ilk öncə Quran tilavəti ilə açıq elan edildi
İlkin olaraq çıxış edən AİP Qadınlar Şurasının rəhbəri Növrəstə İbrahimova bildirdi ki, “hər yer Kərbəla, hər gün Aşura” kəlamı dünyada baş verən müsibətlərin hamısının özündə ehtiva edən yeganə cümlədir.
İslam dünyasına mənsub olan ölkələrdə zülm və sitəmin günü-gündən artdığını söyləyən Növrəstə xanım, “Suriyada İraqda, Fələstində öldürülən günahsız körpələrin günahı nə idi? Eyni ilə Kərbəlada şəhid edilən məsumlar kimi onlar da günahsız idilər. Bu gün bir daha görürük ki, nə qədər ki, zülm və müsibətlər vardırsa, Kərbəlada daima var olacaq” – deyə bildirdi:
“Artıq Kərbəlanın bəşər övladı üçün bir məktəbə çevrildiyini bütün dünya etiraf edir. İstər Mahatma Qandi olsun, istər dünyanın digər liderləri də bu hadisənin Qiyamətə qədər təravətini qoruyacaq bir hadisə olduğunu deyiblər. Bu gün dünyanın müxtəlif yerlərində zülmlə şəhid edilən körpələrin hamısı müasir zamanın Əli Əsgərləridir. Bütün bunlarla yanaşı bu gün Qarabağ uğrunda şəhid olan hər bir övladımız xatırlanmağa və dəyərə layiqdilər. “
Növrəstə xanım çıxışının davamında Ərbəin yürüşünün gözəliyindən bəhs edib:
“Məhz Ərbəin yürüşü bizi Allaha gedən yolumuzda imamdan bizim üçün dua etmək istəyimizdir. İstəyimiz bundan ibarətdir ki, biz o məktəbin dəyərlərindən məhrum etməsin. Hüseyn(ə) bəşəriyyət üçün nemətdir – bunu xristian keşiş deyirdi jurnalistə. O məktəbin məzunları heç nəyə gücü çatmasa da sözü ilə cihad edəcəkdir. Zəmanəmizdə baş verən qəhrəmanlıqlar məhz Kərbəladakı hadisələrinin davamıdır.”
Daha sonra söz Qarakənd yaxınlığında vertalyot qəzasında həlak olmuş general Məhəmməd Əsədovun həyat yoldaşı Məleykə xanım Əsədovaya verildi.
Məleykə çıxışı zamanı bildirdi ki, onun inanclı xanımlarla bağlı fikiri əvvəlcə tamamilə başqa cür idi: “Mən keçən dəfə də konfransda dindar xanımlarla bir yerdə olduqdan sonra heyrətləndim ki, bu xanımlar nəinki Quran oxumaqla və dualarla kifayətlənirlər, həm də onlar dünyada hər kəsdən, alimlərdən və dünyəvi kitablardan xəbərdardılar. Ona görə də bu gün nə isə deyə biləcəyimi zənn etmirəm. Yalnız bunu deyə bilərəm ki, əgər bu xalq 1400 ildir ki, peyğəmbər övladını unutmayıbsa, bizim bu şəhidlərimizi unutmayacaqlar. Mən inanıram ki, torpaqlarımız azad olunacaq.”
Sonra çıxış üçün söz “Fatimiyyə” heyətinin rəhbəri şairə Nazilə Sədi xanıma verildi. Nazilə xanım çıxışı zamanı vurğuladı ki, Kərbəla hadisəsi zamanı Həzrəti İmam Hüseyn(ə) imtahandan üzü ağ çıxdı. Lakin bizlərin imtahanı isə hələ ki,q alıb. Məsələ budur ki, haqqı demək, zillətə boyun əyməmək kimi imtahanlardan necə çıxacağıq?
Tədbir digər iştirakçıların çıxışları ilə davam etdi.