Belə bir şəraitdə Dünya Müsəlman Azərilərinin Hüquqlarının Müdafiə Komitəsi Nardaran hadisəsi şəhidlərinin ikinci ildönümünü uca tutmaqla və Azərbaycanın məzlum müsəlman xalqı ilə həmdərd olduğunu bildirməklə yanaşı, Azərbaycan hakimiyyətinin repressiv hərəkətlərinə qarşı bərk nifrətini bildirir və Azərbaycanın müsəlman xalqını hərtərəfli dəstəkləməyə hazır olduğunu elan edir.
Bismillahir-Rəhmanir-Rəhimİnna lillahi və inna iləyhi raciun
Azərbaycan Respublikası müstəqillik əldə etdikdən sonra islamçılara qarşı təzyiqləri artırmağı davam etmişdir. Hicablı qızların təhsil hüququnun əllərindən alınması, məscidlərin dağıdılması, namazın təşkilinə qadağa, dini şüarlarla və islami inanclarla mübarizə Azərbaycanın sekular və anti-din hökumətinin hərəkətlərinin yalnız bir hissəsidir. Hicabın qadağan olunması məsələsində doktor Hacı Mövsüm Səmədov və Hacı Abgül Süleymanov kimi tanınmış ruhanilər və digər islamçılar həbs edildilər və uzun müddətli həbs cəzasına məhkum olundular.
Bu arada 26 noyabr 2015-ci ildə qanlı Nardaran faciəsi Azərbaycan islamçılarının mübarizəsi tarixində ən acı və ən mühüm hadisə hesab olunur. Şəhidlər sərvəri İmam Hüseynin (ə) Ərbəini günlərində, zöhr namazından sonra əzadarlıqla məşğul olan Azərbaycan islamçıları bu ölkənin xüsusi polis qüvvələrinin cızılmış senari əsasında hücumuna məruz qaldı və nəticədə 4 nəfər dindar şəhid oldu. Hadisə ilə bağlı Müsəlman Birliyi Hərəkatının rəhbəri Hacı Tale Bağırov, bu hərəkatın üzvlərindən bir qrupu və digər şəhərlərdən olan dindarlar həbs edildi. Ekstermizm və terrorizmlə mübarizə adı ilə Bakı dövlətinin öncədən təyin edilimiş senarisi əsasında həyata keçirdiyi qanlı faciə Azərbaycanın müsəlman xalqına qarşı yeni repressiya və təzyiq dövrünün başlaması hesab edilir.
Sözügedən hadisədən sonra islamçılardan bir çoxu əsassız bəhanələrlə həbs edildi, sifarişli məhkəmələrin təşkilindən sonra ağır hökmlərlə qorxulu həbsxanalara göndərildi. Bu hadisənin davamında hakimiyyətin şiddətli repressiya siyasətinin şahidi olduq. Belə ki, Azərbaycanın müxtəlif şəhərlərində dindarların həbs edilməsi, Nardaran əhalisini ilk məişət imkanları və xidmətlərindən məhrum etmək, dini mərasimlərin, xüsusilə də məhərrəm ayında Tasua və Aşura günlərinin mərasimlərinin keçirilməsi ilə bağlı dindarlara qarşı sərt məhdudiyyətlər, siyasi məhbusların hüquqlarının dövlət tərəfindən açıq-aşkar pozulması kimi hərəkətlər həyata keçirildi və davam etməkdədir.
Belə bir şəraitdə Dünya Müsəlman Azərilərinin Hüquqlarının Müdafiə Komitəsi Nardaran hadisəsi şəhidlərinin ikinci ildönümünü uca tutmaqla və Azərbaycanın məzlum müsəlman xalqı ilə həmdərd olduğunu bildirməklə yanaşı, Azərbaycan hakimiyyətinin repressiv hərəkətlərinə qarşı bərk nifrətini bildirir və Azərbaycanın müsəlman xalqını hərtərəfli dəstəkləməyə hazır olduğunu elan edir. Eyni halda Azərbaycanın dövlət rəsmilərini aşağıdakı məqamlara diqqət etməyə çağırır:
1. Sözsüz ki, Nardaran hadisəsi hamıdan çox sionist rejim və Amerikanı sevindirən bir hadisə idi. Bu rejimlər İslam ölkələri ilə daha çox düşmənçilik etdiyindən Azərbaycan islamçılarının zəifləndirilməsi, iki müsəlman və qonşu ölkə olan İran və Azərbaycanın münasibətlərinin korlanması onların əsas strategiyası hesab olunur. Ona görə də İran İslam Respublikasına qarşı ittihamlar səsləndirmək və ikitərəfli münasibətləri korlamaq düşmənin bu strategiyasına xidmət edir.
2. Azərbaycanın dövlət adamları və mediası tərəfindən şiələri ekstremist və terrorçu kimi təqdim etmək, digər tərəfdən isə vəhabi-sələfi qruplarının (Azərbaycan ölkəsi üçün ciddi təhlükə hesab olunan) fəaliyyətlərinə göz yummaq Azərbaycanın dövlət adamlarının səhv və ən təhlükəli siyasətləridir. Belə uydurma iddialar ortaya atmaq ictimai rəy tərəfindən qəbul edilmir.
3. Azərbaycan dövləti öz xalqının əsas hüquqlarına hörmətlə yanaşmalı, dindarların qanuni tələb və istəklərinə diqqət etməli, düşmənin məkirli planlarına qarşı ayıq-sayıq olmalı, öz qanuniliyini bundan artıq şübhə altına salmamalı və özünü bu siyasi batlaqdan xilas etməlidir.
4. Azərbaycan dövləti dərhal anti-din qanunlarını və dinə qarşı yönəlmiş məhdudiyyətləri ləğv etməli, öz müsəlman xalqı ilə barış yolunu tutmalıdır. Azərbaycan dövləti bu mövzuya diqqət etməlidir ki, xalqa qarşı repressiya siyasətinin, zorakı davranışın faydası yoxdur və xalqla düşmənçiliyin aqibəti yaxşı deyil.
5. Azərbaycan dövləti bu ölkədə bəzən İran İslam Respublikasına qarşı əssassız ittihamlar səsləndirən və anti-İran siyasətlər aparan bədxah şəxslərə qarşı tezliklə lazimi tədbir görməlidir. İran İslam Respublikası Azərbaycan xalqının həqiqi dəstəkləyicisi və hamisi olduğunu sübut etmişdir. Qarabağ müharibəsi zamanı İran dövlətinin Azərbaycanın dövlət və xalqına yardımları, ermənilərin işğalçılıq hərəkətlərini pisləməsi bu sözün ən tutarlı şahididir. Aydındır ki, İranla dostluq Azərbaycan ölkəsinin təhlükəsizlik və sabitliyini təzmin edəcək.
6. Ötən illərdə bəs qədər acı hadisələr baş vermişdir, bir çox imanlı və mömin şəxslər xoşagəlməz hadisələrlə qarşılaşmışdır, həbs edilmiş islamçı rəhbərlər və fəallar hələ də qorxulu həbsxanalarda saxlanılmışdır. Bizim istəyimiz budur ki, onların zindandan azad olunması, yaxud şəraitlərinin yaxşılaşdırılması istiqamətində əsaslı işlər görülsün. Xüsusilə də Hacı Mövsüm Səmədov, Hacı Tale Bağırov, Hacı Abgül Süleymanov və digər islamçılara qarşı edilən işgəncələr və həyata keçirilən məhdudiyyətlər ciddi narahatçılığa səbəb olmuşdur. Bütün siyasi və etiqadi məhbusların azad olunması bir ölkə üçün əsaslı və önəmli addım hesab olunur.
Uğur Allah tərəfindəndir
Dünya Müsəlman Azərilərinin Hüquqlarının Müdafiə Komitəsi