Həzrət Peyğəmbərin (s) və İmam Sadiqin (ə) mübərək təvəllüdləri münasibəti ilə tədbir keçirildi (Foto)

Tarix : 2017 Dec 11

Kod 53692

Short Link:

Həzrət Peyğəmbərin (s) və İmam Sadiqin (ə) mübərək təvəllüdləri münasibəti ilə tədbir keçirildi (Foto)

Ahlibeyt.ge xəbər verir ki, bu gün aləmlərə rəhmət olan Həzrət Peyğəmbərin (s) və İmam Sadiqin (ə) mübərək təvəllüdləri münasibəti ilə Gürcüstan Əhli-beyt (ə) cəmiyyətində dərs alan tələbələr və onların valideynləri ilə görüş keçirildi.

Arannews-Ahlibeyt.ge xəbər verir ki, bu gün aləmlərə rəhmət olan Həzrət Peyğəmbərin (s) və İmam Sadiqin (ə) mübərək təvəllüdləri münasibəti ilə Gürcüstan Əhli-beyt (ə) cəmiyyətində dərs alan tələbələr və onların valideynləri ilə görüş keçirildi.
Məclis Əhli-beyt (ə) cəmiyyətinin müəlliməsi Kərbəlayi Emilya aparıcılığı və Dəyərli ustad Hacı Hacıyevin Quran tilavəti ilə baş tutdu.
Əhli-beyt (ə) cəmiyyətinin Müəllimi Elçin Daşdanzadə çıxış edərək Əhli-beyt (ə) sevərləri, tələbələri və valideyinləri salamlayıb və ata-ana ilə uşaqın rəftarından həmçinin valideynin boynunda olan məsuliyyətdən danışdı.
Məclisdə qonaq olan Kərbəlayi Ramin və NURİ TAHA ilahi nəğmələr qrupunun üzvləri Kərbəlayi Said, Kərbəlayi Rza Peyğəmbərin (s) və Məsumların (ə) şəninə ilahilər və şerlər səsləndirdilər.
Sonra Əhli-beyt (ə) cəmiyyətinin müəlliməsi Kərbəlayi Esmira çıxış edərək bayram münasibəti ilə məclis iştirakçılarını təbrik etdi və uşaqların inkişafı və təhsilində valideynlərin müəllimlərə yardımçı olmalarından danışdı.
Məclisdə Əhli-beyt (ə) cəmiyyətinin tədris şöbəsinin məsulu Elçin Məmmədov Əhli-beyt (ə) cəmiyyətində keçirilən dərslər haqqında hesabat verdi.
Əhli-beyt (ə) cəmiyyətinin tələbələri Günay Əliyeva, Məşhədi Anar və Məşhədi Vəfadar Məsumların (ə) şəninə surud və şeirlər səsləndirdilər.
Sonda isə tədbir "Fərəc" duası oxunduqdan sonra ziyafət süfrəsi ilə yekunlaşdı.
Tədbirdə əməyi keçən hər kəsə öz dərin təşəkkürümüzü bildiririk.