İraqın “Əsaibul-həq” hərəkatının sədri ABŞ qüvvələrinin İraqda qalmasına münasibət bildirib.
Arannews-nur-az.com-İŞİD-in məhvində sonra xarici qüvvələrin İraqda qalmasına münasibət bildirən Şeyx Qeys Xəzəli deyib: “Türkiyə kimi bir sıra xarici qüvvələrin İraqda yer alması rəsmi Bağdadın istəyi ilə reallaşmayıb. Təbii olaraq belə olan halda, bu qüvvələrin ölkəmizdə qalmaları qəbul olunmazdır. Bu ölkələrin İraqda yerləşməsinin səbəbi, İŞİD-lə mübarizədə ölkəyə hakim olan şəraitə görə idi. O dövrdə mərkəzi dövlətin başı müharibəyə qarışmışdı və elə bu səbəbdən dövlət və parlament bu məsələylə bağlı lazımi tədbirləri görə bilməmişdi.”ABŞ qüvvələrinin İraqda yerləşməsiylə bağlı fikirlərini bildirən Şeyx Xəzəli deyib: “ABŞ barədə demək lazımdır ki, onların ölkəmizdə yerləşməsinə səbəb İŞİD-lə mübarizə olub. İŞİD-lə mübarizənin bitdiyinə görə, İraq dövləti bu barədə fikirlərinə yenidən göz gəzdirməlidir. Ümid edirik ki, bu barədə qərar bu qüvvlərin ölkədən çıxamasından yana olacaqdır. Eşitdiyimizə görə, bu qüvvələrdən bəziləri ordu və hərbi qüvvələrimizə məsləhət vermək üçün İraqda qalacaqlar. Bu məsələylə bağlı danışıqlar aparmaq olar, lakin bu sayda Amerika qüvvələrinin İraqda yer alması qəbul olunmazdır.”