Arannews-Fələstinin Əl-Xəlil şəhərində dekabr ayının 7-də gözləri bağlı halda 22 işğalçı İsrail əsgərinin qorxu ilə həbs etdiyi 16 yaşlı fələstinli gənc Fəvzi əl-Cunidi sərbəst buraxılıb. Maide.Az Türkiyə mətbuatına istinadən xəbər verir ki, İsrail rejim məhkəməsi Fəvzi əl-Cunidini 10 min şekeli ödədikdən sonra zəmanətə buraxılıb.
F.Əl-Cunidi həbsdə saxlandığı müddətdə işğalçı güclər tərəfindən işkəncə olunduğu və sağ çiynində sınıqların olduğu bildirilir.
BMT Uşaq Fondunun Fələstin şöbəsi F.əl-Cunidinin dekabrın 7-də gözləri bağlı formada çox sayda əskər tərəfindən saxlanılmasından sonra onu müayinə edib. Müayinə zamanı məlum olub ki, işğalçı İsrail rejim əskərləri F. əl-Cunidini saxlayarkən onu döyüblər.
Bunun nəticəsində Cunidinin bədənində döyülmə izləri və sağ çiynində sınıq olduğu müəyyən edilib.