Ölkəsində Səudiyyə Ərəbistanının siyasi müttəfiqi kimi tanınan Livan hökumətinin Baş naziri Səid Həriri ABŞ mətbuatına verdiyi müsahibədə İranla münasibətlərin ən yaxşı şəkildə olmasını istədiyini söyləyib.
Arannews-Səid Həriri ABŞ-ın “Wall Street Journal” jurnalına verdiyi müsahibədə “Hizbullah”-la əlaqəli düşüncələrini rədd edib:
““Hizbullah” partiyası ölkədəki siyasi sabitliyə səbəb olan bütün siyasi partiyalara sahib hökumətin bir hissəsidir. Heç kəsin Livanın siyasətinə qarışmasını qəbul etmirik. İran və digər körfəz ölkələri ilə əlaqələr ən yaxşı şəkildə və bizim milli maraqlarımıza uyğun olmalıdır. Səudiyyə Ərəbistanı heç vaxt Livan siyasətinə birbaşa müdaxilə etməyib. Səudiyyə Ərəbistanının Livana iqtisadi yardım üçün hazır olacağına ümid edirəm“, -deyə söyləyib.
Xatırladaq ki, noyabrın əvvəllərində Səudiyyəyə etdiyi səfərdən sonra krallıq rejimi tərəfindən oğurlanaraq istefaya məcbur edilən Səid Həriri 2 həftə sonra beynəlxalq təzyiqlərdən sonra ölkəsinə geri qayıtdıqda istefasını geri götürmüşdü.