İran əleyhinə olan bir neçə media, İsrail rejiminin İranı Avropa ölkələrindən uzaqlaşdırmaqla bağlı planlarından yazıb.
Arannews-ABŞ və İsrail mediaları İsrail rəsmilərinin son çıxışları və həmçinin, Benyamin Netanyahunun Avropa ölkələrinin səfirləri ilə nahar ziyafətinə işarə edərək bildirib: “MOSAD-ın sədri Yosi Kohanın “Biz İranda baş verənləri diqqətlə izləyirik” deməsi maraqlara səbəb olub. Xüsusən İranın müxtəlif siyasi məmurları son 3 həftədə, İsraili bu hadisələrin pərdə arxasında gördüklərini bildiriblər.
Bunun kənarında, İsrailin baş naziri Avropa ölkələrinin səfirləri ilə təşkil etdiyi nahar ziyafətində onlara, İranı niyə böyük təhlükə olaraq görməsi barədə açıqlama verib.
Netanyahu görünməmiş bir hadisədə NATO-ya üzv olan ölkələri nahara dəvət edərək, bu mövzu barədə onlarla danışıb. İsrailin bir qrup siyasi eksperti son günlərdə bildirmişdilər ki, Donald Trampın rəhbərliyi ilə olan ABŞ, Avropa ölkələrinin mənafeyinə söykənərək, onları yenidən özünə tərəf çəkə bilər. Deyilənə görə, Netanyahu bu səfirləri danışıqlara çağıraraq, ABŞ-la ortaq fikirlərini avropalılara çatdırmağa çalışıb. Bu ortaq fikir isə İranın bütün ölkələr, xüsusən Avropa ölkələri üçün təhlükəli olmasıdır.
Bəzi İsrail mənbələrinin yazdığına əsasən, Natanyahu bu görüşdə bildirib: “İran hakimiyyətinin təhlükələri yalnız İsrailə aid deyil. İran öz qüdrətini Suriyanın Tərtus boğazından genişləndirməyə çalışır.”
İsrailin “20”-ci kanalı isə bu barədə yazıb: “İsrail baş naziri Avropa ölkələrini İran əleyhinə qaldırmağa çalışır. İsrail baş naziri İranı gündəmdən salmaq üçün, beynəlxalq səviyyədə geniş səylərə əl atır. Netanyahu səfirlərə xitabən deyib: “İran İsraili kiçik, Amerikanı isə böyük şeytan sayır və digərləri üçün də planları var.””
İsrail baş naziri bu görüşdə deyib: “Təəccüblüsü budur ki, “İran niyə təhlükəlidir”-deyə soruşulur. İran hakimiyyəti atom və nüvə raketləri ələ keçirməyə, şiə məzhəbini islam dünyasına hakim qılmağa çalışır. İran bölgədə terror yaratma niyyətindədir. İfratçı islam düşüncələri bölgədə və dünyada terrorizmin yayılmasına çalışır. Onlardan biri əhli-sünnə məzhəbində, keçmişdə “Əl Qaidə”-nin, hazırda is İŞİD-in liderliyi ilə fəaliyyət göstərir. Digəri isə, İranın liderliyi ilə şiə məzhəbində yer alır.”
İranda xalqın ayağa qalxdığı son 4 həftədə əksər Avropa ölkələri “İran öz vətəndaşlarına sivil qaydada aksiya keçirməyə şərait yaratmalıdır” deməklə kifayətlənir. Bir halda ki, ABŞ qətiyyətlə “İran xalqına dəstək olmaq lazımdır”-deyə bildirdi.
Amerikalı siyasətçilərin əksəri də bu dəstəyin əməli olaraq həyata keçməsini tələb etdiər. MOSAD sədri Yosi Kohan da, İranda bir qrup vətəndaşın ayağa qalxması barədə söz açıb. O bildirib: “Etirazlar ilk öncə iqtisadi məsələlərə görə başladı, lakin daha sonra siyasi don geyindi və dövlət əleyhinə şüarlara çevrildi”. O bu etirazların hansı yöndə baş verdiyini deməsə də, İsrailin buna münasibəti barədə bildirib: “Biz bu hadisələri 4 gözlə izləyirik”. O, bu sözün mənasını tam olaraq açıqlamayıb.
Bu arada, İsrailin “Vala” xəbər agentliyi də bir sıra məsələlərdən pərdə götürərək, İranın İsrailin ən təhlükəli düşməninə çevriməsinə toxunaraq yazıb: “2009-cu ildə, İsrail ordusunun rəisinin ofisində keçirilən növbədən kənar iclasda, məlumat sisteminin yüksək rütbəli məmurları bildirib ki, İran, hədəfi dəqiq nişana alan raketlərini “Hizbullah”-a ötürmək niyyətindədir. Pərdə arxası hərbi və məlumat müharibəsi məhz bunun qarşısını almaq məqsədiylə başladı. Bu iclasda, ordunun məlumat məsulu İranın İsrail əleyhinə planlarından söz açaraq bildirib: “İran 2013-cü ilədək öz raketlərini İsrailin müxtəlif yönlərində yerləşdirmək və bu ölkəni mühasirəyə almaq niyyətindədir. Bu, İsrailin susmayacağı bir təhlükədir. İsrail rəsmiləri hələ ki, bu məsələyə münasibət bildirməyiblər. İsrail adətən bu cür məsələləri cavabsız qoymur.””