"Balfor bəyannaməsi sionist İsrailin qurulmasına necə səbəb oldusa, Trampın Qüds qərarı da sionist İsrailin sonunun başlanğıcı olacaq"
Arannews-İslaminSesi.info "RASThaber"-ə istinadla xəbər verir ki, bunu Fələstin İslami Müqavimət Hərəkatının (HƏMAS) siyasi şöbə sədri İsmayıl Haniyyə Fələstində və regionda baş verən son hadisələrlə bağlı verdiyi bəyanatda bildirib."Bizim yeganə istəyimiz və hədəfimiz fələstinlilərin tarixi vətənlərinə qayıtmasıdır"
Haniyyə, həmçinin prioritetlərindən birinin də fələstinli əsirlərin İsrail terror rejiminin zindanlarından azad edilməsinin olduğunu bildirib.
"Biz əsirlər qarşısında verdiyimiz sözlərə sadiqik və bunun üçün də mübarizəmizi davam etdiririk"
HƏMAS rəsmisi, bundan əlavə ABŞ vitse-prezidenti Mayk Pensin işğal altındakı Fələstin torpaqlarına etdiyi səfər və Trampın Qüdslə bağlı qərarının qəbul edilməz olduğunu bildirib, eləcə də ABŞ-ın fələstinli qaçqınlara qarşı maliyyə yardımlarını kəsməsinin də Amerikanın fələstinliləri boyun əydirməyə və təslim almağa məcbur etməsi cəhdinin olduğunu qeyd edib.