İslam İnqilabının Fəcr ongünlüyü, İmam Xomeyninin (r.ə) öz vətəninə tarixi qayıdışının ildönümü ərəfəsində – bu gün səhər mərhum imamın müqəddəs məqbərəsini ziyarət edən Ali Rəhbər Ayətullah Xamenei “Fatihə” oxuyaraq İran İslam Respublikasının banisinin xatirəsini ehtiramla yad edib.
َArannews-Maide.Az "leader.ir" saytına istinadən xəbər verir ki, daha sonra 7 tir şəhidlərinin məzarlarını və “Beheşte-Zəhra” şəhidlər xiyabanını ziyarət edən Ayətullah Xamenei Uca Tanrıdan şəhidlərin pak ruhlarına dərgahında ən ali dərəcələri nəsib etməsini diləyib.