İran İslam Respublikasının ali rəhbəri Ayətullah Xamenei Suriyaya hücum həyata keçirən ABŞ, Fransa və İngiltərə lilderlerini cani kimi xarakterizə edib.
FaktXəbər-in "Mehr" xəbər agentliyinə istinadən verdiyi məlumata görə, iranlı rəsmi şəxslər və İslam ölkələrinin Tehran səfirləri bu gün səhər saatlarında İran İslamrespublikasının ali lideri Aytəullah Seyid Əli Xamenei ilə görüşüb.Ayətullah Seyid Əli Xamenei bu görüş zamanı bildirib ki, bu gün səhər saatlarında Suriyaya təşkil olunan hücum cinayətdir. Çox dəqiq şəkildə ABŞ, Fransa prezidenti və İngiltərə baş nazirinin cani olduqlarını və cinayət törətdiklərini elan edirəm. Onlar cinayət ediblər. Bir fayda də əldə etməyəcəklər. Belə ki, ki, ötən illərdə İraq, Suriya və Əfqanıstanda bu kimi cinayətlərinə baxmayaraq bir fayda əldə etmədilər.
Ayətullah Xamenei həmçinin qeyd edib kİ, dünənə qədər açıq və gizli olaraq İŞİDİ dəstəkləyənlər bu gün İŞİD-i məğlub etdiklərini iddia edirlər. Bu yalandır. Belə bir şey yoxdur.
Qeyd edək ki, ABŞ prezidenti Donald Tramp Duma şəhərində kimyəvi silahlardan istifadə edilməsi bəhanəsi ilə Suriya ərazisinə zərbə endirilməsi barədə əmr verib. Suriyanın vurulmasına Böyük Britaniya və Fransa da dəstək verib. ABŞ Hərbi Hava Qüvvələri Dəməşqdə yerləşən hərbi laboratoriyanı və Homsdakı hərbi bazaların birini "Tomaqavk" raketləri ilə vurub. ABŞ-ın atdığı raketlərdən bəzisi Dəməşqin Bərzə dairəsindəki tədqiqat mərkəzinə düşüb. "SANA" dövlət televiziyası xəbər verir ki, Suriyanın Raket Əleyhinə Müdafiə sistemləri Dəməşqin cənubunda 13 raketi zərərsizləşdirib.