Ermənistanın paytaxtı İrəvanda eks prezident Serj Sarkisyanın baş nazir postuna keçməsinə qarşı aprelin 13-dən etriaz aksiyaları başlayıb.
Arannews-Modern.az Ermənistan mətbuatına istinadən xəbər verir ki, etirazçılar ötən axşamdan başlayaraq Opera və Balet teatrının qarşısından Fransa meydanına qədər yürüş keçiriblər.
Bundan başqa, Respublika Partiyasının ofisini mühasirəyə alan kütlə Serj Sarkisyanın rəsmən baş nazirliyə namizəd olacağını elan edəcək partiya toplantısına qarşı çıxıb.
Hazırda dava edən aksiyaya indi də tələbələr qoşulublar. Aksiyanın əsas təşkilatçılarından olan "Yelk" fraksiyasının deputatı Nikola Paşinyan Serj Sarkisyan və ətrafının Respublika Partiyasının iclasını Çaxkadzor şəhərində keçirməklə bağlı qərara qəbul etdiyini açıqlayıb.
Etirazçılar avtobuslarla Yerevandan Çaxkadzora gedərək yenidən partiyanın Sarkisyanı baş nazirliyə namizəd elan etməsinə mane olmağa cəhd göstərəcək.