Xəbər mənbələrinin verdiyi məlumata görə, İraqın könüllü xalq qüvvələri (Həşd-Şəbi) bu gün (bazar günü) tank və Yer-Yer raketləri vasitəsilə Əz-Zəhra məntəqəsində Amerika ordusuna aid hərbi hava bazanı mühasirəyə alıb.
Arannews-Əməliyyatın komandiri bu barədə açıqlama verərək deyib: “Bu bazadan Amerikanın hər hansı təyyarəsi havaya qalxmaq istəsə, Həşd-Şəbi onu vuracaq. Hal-hazırda bu bazada heç bir təyyarənin enmək, yaxud qalxmağa ixtiyarı yoxdur. Bu kimi hər bir əməliyyat dayandırılmalıdır.”İraq könüllü xalq qüvvələri sözügedən hərbi bazanı hər tərəfdən mühasirəyə alıb, bazaya gedən bütün yolları bağlayıb, yük maşınlarının oraya gediş-gəlişinin qarşısını alıb.
ABŞ-a aid bazanın komandiri öz komandirlərindən istəyib ki, mühasirəni aradan qaldırmaq üçün İraq dövlətindən kömək istəsinlər.