Avropa İnsan Haqları Məhkəməsi Reportyorların Azadlığı və Təhlükəsizliyi İnstitutunun (RATİ) sədri Emin Hüseynovun Azərbaycan vətəndaşlığından çıxarılmasıyla əlaqədar hökumətə sorğu göndərib.
Arannews-İsveçrədə sığınacaq alan jurnalist Azərbaycan vətəndaşlığından çıxarılması məsələsini məhkəmədə mübahisələndirir. O, ərizəsindən vətəndaşlıqdan çıxmağa məcbur edildiyini yazıb. E.Hüseynov Avropa Konvensiyasının 8 (şəxsi və ailə həyatına hörmət), 10 (ifadə azadlığı), 13 (səmərəli hüquqi müdafiə vasitələrindən istifadə) və 18-ci (hüquqların Konvensiyadan kənar məqsədlər üçün məhdudlaşdırılması) maddələri ilə təminat verilən hüquqlarının pozulduğunu bildirib.Avropa Məhkəməsi Azərbaycan hökumətinə həmin pozuntuların baş verib-verməməsiylə bağlı suallar göndərib.