Livanın Hizbullah, Amal hərəkatı və digər müttəfiqləri yerli mətbuata verdikləri ilk açıqlamalarında, bazar günü (6 may) parlament seçkilərində böyük uğurlara imza atdıqlarını qeyd ediblər.
Aranews-Deyerler.org Əl-Mənar-a istinadən xəbər verir ki, Hizbullah ilə Amal hərəkatının birgə hazırladığı “Sədaqət və Ümid” siyahısının namizədləri Livanın iki cənub rayonu və Bəqaa rayonu 2-də (Baalbək-Hərməl) böyük səs çoxluğu ilə qalib olublar.Müttəfiqlər cənub rayonları 2 və 3-də bütün 18 mandatın hamısında qələbəni təmin ediblər, Bəqaa 2-də isə on mandatdan 8-də qalib olublar.
Cənub bölgəsi 1-də (Sidon-Cizzinə) isə, Hizbullah və Amal tərəfindən dəstəklənən siyahı 5 mandatdan 2-sinə sahib olub.
Müttəfiq siyahılar Livanın 3-cü (Baabda) və Beyrut rayonunun 2-dən olan şiələrin 4 mandatını da qazanıblar.Qərbi Bəqaanın digər bir yerində Hizbullah və müttəfiqləri 6 mandatdan 3-nü təmin edə biliblər.Hizbullah Zahlənin Bekaist qəsəbəsində bütün məntəqələrdə qalib olub.
Hizbullah və Amal ümumiyyətlə Livan parlamentində 27 şiə mandatının ilkin nəticələrə görə ən azı 26-sı təmin etməyə nail olublar.
Rəsmi nəticələri Livanın Daxili İşlər Nazirliyinin bu gün açıqlayacağı bildirilib.
Artıq Livanın Əhli-Beyt (ə) sevdalıları qələbələrini qeyd etmək üçün şəhər küçələrinə axışıblar.