Rusiyanın Soçi şəhərində mayın 14-də keçirilən Avrasiya İttifaqının sammiti çərçivəsində Rusiya prezidenti Vladimir Putin və Ermənistan baş naziri Nikol Paşinyanın görüşü olub.
Arannews-Vladimir Putin ümid etdiyini bildirib ki, Ermənistanın yeni hökumətinin dövründə Moskva və Yerevan arasında münaisbətlər əvvəlkindən daha yaxşı inkişaf edəcək:
"Ümid edirəm ki, münasibətlərimiz indiyə qədər olduğu kimi, sürətlə inkişaf edəcək. Rusiya Ermənistana regionda yaxın tərədaşı və müttəfiqi kimi baxır.
Bura iqtisadi əməkdaşlıq və təhlükəsizlik məsələləri aiddir. Ümid edirəm ki, indiyə qədər Rusiya və Ermənistanın iqtisadi əməkdaşlıq sahəsində əldə etdiyi nəticələri qoruyub saxlamağa nail olacağıq”.
Nikol Paşinyan rəsmi Moskvanın Ermənistanın daxili siyasi böhranına münasibətini konstruktiv adlandırıb. O, Rusiya prezidentini 9 may Qələbə Günü münasibəti ilə təbrik edib və Moskvada keçirilən paradda hərbi sənayenin yüksək səviyyədə olmasını qeyd edib.
Görüşün davamı bağlı qapılar arxasında keçirilib.
toplum.tv