Xəbər Lenti

Qarabağ mitinqinin təşkilatçıları BŞİH-də olublar

Şeyx Sərdarın işi Avropa Məhkəməsində icraata götürülüb

Azərbaycanda 100-dən çox hakim sistemdən qovulub

Ərdoğan BMT-ni tənqid etdi: 5 ölkə hamının yerinə hökm verə bilməz

İmam Hüseynin (ə) kömək istəməsi əslində nəyi çatdırır

Şeyx Zəkzəkinin qızı: “Atam edam təhlükəsilə üzləşib”

İsrailin etirazı fayda vermədi: Rusiya Suriyaya S-300 verir

Daha bir Avropa ölkəsi Fələstini tanımağa hazırdır

Azərbaycan Respublikasinin Milli Məclisi Ermənistan parlamenti ilə əməkdaşlığı nəzərdə tutan memorandumu imzalamaqdan imtina edib

Putin və Əsəd telefonla danışdı

İranda milli matəm elan olundu

Ərbəin zəvvarlarının bütün suallarının cavabı bu yazıda

Cinayət törətməkdə şübhəli bilinən 42 nəfər saxlanılıb

Nikol Paşinyanın bloku bələdiyyə seçkilərini qazandı

AŞURA MƏKTƏBİNİN ÖZƏLLİKLƏRİ

Ayətullah Xamenei: "Bu cinayət ABŞ-ın regiondakı əlaltılarının çirkli planlarının davamıdır"

Yəmənin Əlbiyza əyalətində İŞİD terrorçuları məhv edilib

Qiyas İbrahimov: Ən xırda bəhanələrlə məhbuslardan rüşvət tələb edilir

"Hamımız hicablıyıq" fləşmobu və dindarlara verilən sual

Azərbaycan R-nın prezidenti Əhvaz terror hadisəsini pisləyib

Hüseyn (ə) qiyamının fəlsəfəsi

Türkiyə-Rusiya razılığına Nəsrullahdan REAKSİYA

Azərbaycan R-nın müdafiə naziri Əhvaz terror hadisəsi ilə bağlı başsağlığı verib

Azerbaijani Shias gather for Ashura, under close watch from the state

Gürcüstan Əhli-beyt (ə) cəmiyyətində əza mərasimi

Azərbaycan İslam Partiyası başsağlığı verdi

Gürcüstanda İzdihamlı "Tasua" yürüşü keçirildi (Foto

Türkiyə Prezidenti Ərdoğandan Kərbəla mesajı

Əfqan Muxtarlıya dostları ilə görüşmək icazəsi verilmir

Taleh Bağırzadə: ''Aşura baş yarmaq yox, haqq uğrunda savaş günüdür''

Gürcüstanda Məhərrəmlik mərasimləri izdihamlı şəkildə keçirilib – FOTOSESSİYA

Şəhidlər ağasının qanının dəyəri

Övladlarımızı Aşura hadisəsi ilə belə tanış edək

Sabiq MTN generalları hakim qarşısına çıxarılır

Abbas Hüseyn Aşura məktəbindən yazdı

Dərbənddə Nizaminin barmaqlarını sındırdılar - Foto

Aşura mərasimləri bizə peyğəmbərdən (s) irs qalıb Səfəvilərdən yox

“Qafqazda dini ayinlərin araşdırılması” konfransında çıxış edən politoloq deyib: Azərbaycan Respublikasının Dini Qurumlarla iş üzrə Dövlət Komitəsinin son bəyənatı ilkin dini hüquqların pozulması deməkdir.

Qafqaz və Türkiyədə məhərrəm mərasimlərində dəyişiklik mövzusunda dəyirmi masa

Aşura mərasimləri bizə peyğəmbərdən (s) irs qalıb Səfəvilərdən yox!

Arxiv
 
Tarix : 2018 may 15     |     Kod : 55276

''Şəxsən İlham Əliyev sanksiya siyahısına salınmalıdır''

Mayın 9-da Amerika Birləşmiş Ştatlarının Helsinki Komissiyası kimi tanınan Avropada Təhlükəsizlik və Əməkdaşlıq Komissiyası Azərbaycanda seçkilər və fundamental azadlıqlar mövzusunda dinləmələr keçirib.


Arannews-Toplantıda Meydan TV-nin direktoru Emin Milli də iştirak edib. Meydan TV-nin “Facebook” səhifəsindən dinləmələr canlı yayımlanıb. Emin Millinin çıxışının tam mətni təqdim olunur:“Mən burada bir media rəhbəri kimi yox, sıravi Azərbaycan vətəndaşı kimi danışacam. Prezidentliyə namizəd olmuş İlqar Məmmədov adından danışacam, hansı ki, həbsdədir və burada danışmaq imkanı yoxdur. Qiyas və Bayramın adına danışacam, hansı ki, Heydər Əliyevin heykəlinə qraffiti yazdığına görə 10 il həbs cəzası alıblar, işgəncə görüblər. Orduxanın polisə aparılan 2 yaşlı bacısı qızının adına danışacam. Orduxan çox məşhur və təsirli siyasi aktivistdir. O, müxtəlif ölkələrdə Azərbaycan səfirliklərinin önündə aksiyalar təşkil edib və buna görə təzyiqlərə məruz qalıb, 12 qohumu saxlanılıb, 2 yaşlı bacısı qızı Selcan polisə aparılıb. Hökumət bu təzyiqləri Orduxanı susdurmaq üçün edib. Onun daha bir bacısı oğlu Tural cəmi 1 həftə öncə həbs edilib, o, Bakı Dövlət Universitetinin tələbəsi idi. Məqsəd yenə də Orduxana təzyiq etməkdir. İlkin Rüstəmzadənin adına danışacam, o, 4 ildir həbsdədir. Səbəb isə orduda olan cinayətlərə qarşı dinc aksiyalar təşkil etmək olub. Bütün bu insanların səslərini kəsmək üçün hökumət həbs edib, oğurlayıb. Mən bütün bu insanların adından danışmağa çalışacam. Bütün bu cinayətlərdə İlham Əliyev günahkardır. Bir az öncə Odri Alştadt və Maran Turner də həmin cinayətlər barədə ətraflı məlumat verdi; seçkiləri saxtalaşdırmaq, insanları oğurlamaq, işgəncələr vermək, başqa ölkələrdən adamları oğurlamaq... Araşdırmaçı jurnalist Əfqan Muxtarlı kimi. O, Meydan TV-də Əliyevlərin Gürcüstandakı bizneslərini araşdırmışdı... Bütün bu cinayətlər mücərrəd deyil, xüsusilə hazırlanmış və konkret cinayətlərdir. Cinəyətləri isə İlham Əliyevin rəhbərliyində olan kriminal dəstə törədib, mən onlara hökumət deyə bilmərəm. İlham Əliyev hakimiyyətə gələndən bir dəfə də olsun qanuni seçki baş tutmayıb.Vatslav Havel öz essesində yazırdı ki, demokratiya, parlament, toplaşmaq azadlığı, qanunun aliliyi kimi Qərbdə istifadə etdiyiniz konseptlərin hansısa mənası var. Amma nə vaxt ki, bu konseptlər Azərbaycan kimi avtoritar ölkələrdə olur, bu dəyərlər artıq öz mənasını itirir. Azərbaycandakı seçkilər haqqında danışa bilmərəm, ona görə ki, keçirilənlər həqiqi seçki deyil. Azərbaycanda seçkiləri müşahidə edən missiyaların analizləri mənasını itirib, çünki orada analiz ediləcək şey qalmayıb. Azərbaycanda heç bir legitim proses baş vermir. Bu gün burada Azərbaycanda yaşayan insanlar adından demək istəyirəm ki, İlham Əliyev günahkardır. Çünki o, ölkədən 2.5 milyard dollar oğurlayıb və Britaniyanın ofşorlarına çıxarıb. O, təkcə Azərbaycan insanına qarşı cinayət törətməyib. İlham Əliyev həm də avropalılara, ABŞ vətəndaşlarına qarşı cinayətlər törədib. Əliyevlər ailəsi, nazirliklər, Azərbaycan Beynəlxalq Bankı ilə əlaqədə olan şirkətlər tərəfindən göndərilən 2.5 milyard dollar pulla Qərb rəsmiləri ələ alınıb. Bu araşdırmalar dünyanın nüfuzlu mətbuatlarında, “The Guardian” qəzetində əsas xəbər kimi yayımlanırdı. OCCRP-nin araşdırmaları nəticəsində məlum olub ki, bu pullar təkcə 2014-2016-cı illər arasında oğurlanıb. Təsəvvür edirsiniz? Azərbaycan xalqından hər gün ortalama 3 milyon dollardan artıq pul Britaniya ofşor hesablarına çıxarılıb. Məqsəd isə Avropa, ABŞ rəsmilərini ələ almaq, jurnalistləri, beynəlxalq ekspertləri öz tərəfinə çəkmək olub. Əgər siz Əliyevlə dost kimi danışırsınızsa, - hansı ki, bəzi amerikalı, avropalı siyasətçilər bu dildə danışırlar,- mütləq düşünməlisiniz ki, Əliyevlər ailəsi nə edir, hansı cinayətləri törədir. Tək xalqlarına qarşı yox, həm də ABŞ və Avropaya qarşı həmin şey baş verir. Avropa Şurası haqqında 200 səhifəlik hesabat yayıldı. Məlum oldu ki, avropalı deputatlara 10 milyonlarla dollar rüşvət verilib. Azərbaycan hökumətindən 2 milyondan çox rüşvət alan Luka Volonte sadə siyasətçi olmayıb, Avropa Şurasında fraksiyalardan birinin rəhbəri olub. Başqa bir iş CNN-in prodüseri Ekart Secerlə bağlıdır. Azərbaycan hakim ailəsi ofşorlar vasitəsilə ona da pul verib. CNN-i açırsınız, orada diktaturanı reklam edirlər. Avropa Parlamenti tərəfindən araşdırmalar başladı, hesabatlar yayıldı.Məncə, əsl vaxtdır, ABŞ Konqresi də araşdırmalara başlamalıdır. ABŞ siyasətçiləri, jurnalistləri necə rüşvətə bulaşıblar, bunlar araşdırılmalıdır. ABŞ-ın Azərbaycandakı iki keçmiş səfiri hal-hazırda Əliyev rejiminin pulu ilə dolanır. Bu, rüsvayçılıqdır. Mən amerikalı olsaydım, bundan utanardım. Əliyevin korrupsiyası Azərbaycanla kifayətlənmir, o, dünyada korrupsiyanın simvoluna çevrilib. Azərbaycan çox balaca ölkədir, orada insanları nağıllarla aldatmaq asandır. Necə ki, Kreml təbliğatı bunu dünyada edir. Kreml hər gün deyir ki, Qərb korrupsiya içində batır, dağılır, çökür, rüşvət bizdə də var, onlarda da. Siz bizdən nə istəyirsiniz? Bunların eynisini hər gün, hər saat Azərbaycan hökumətinin təbliğat alətləri edir. Bu yalanlar bütün azərbaycanlılara deyilir, onlar tək ölkədəki 10 milyon nəfərdən ibarət deyil, azərbaycanlılar dünyanın hər yerindədir. Əliyev dost deyil, düşməndir. Məncə, hal-hazırda Əliyevə qarşı sanksiyalar barədə danışmaq çox vacibdir. Çünki İlham Əliyev cinayət piramidasının başında dayanır. O, bu gün diktator, avtoritar lider olmağı ilə məşhurlaşıb. Jurnalistlər tək Azərbaycanda öldürülmür. Onlar artıq Avropada, ABŞ-da da öldürülür. Siz düşünürsüz ki, demokratlar və ya respublikaçılar Amerikanı bunlardan qoruyacaq, yanılırsınız. Sizin üçün pis xəbərim var. Artıq söz azadlığının, fundamental azadlıqların boğulması tək post-sovet ölkələrində baş vermir. Bu, artıq Macarıstanda, Polşada elə ABŞ-ın özündə də baş verir. Bunun səbəbi amerikalı siyasətçilərin Əliyev kimi avtoritar liderlərlə yumşaq dillə danışmasıdır. Nə vaxt hansısa jurnalisti həbs edirlər, hansısa siyasətçini öldürürlər, hansısa medianı bağlayırlar, reaksiya nə olur, dərin narahatçılıq. Reallıq nədir? Daha çox saziş bağlayırsınız, pul, enerji, təhlükəsizlik...

Siz başa düşməlisiniz ki, Əliyev kimi liderlərin yalnız kriminal təfəkkürü mövcuddur. Baxın, Əliyev nə Putin, nə də Rusiya haqqında pis heç nə deməyib. Amma hər gün çıxışlarında Qərblə, ABŞ-la bağlı sərt ifadələr işlədir. O, Azadlıq Radiosunu Azərbaycanda bağlayıb, heç Putin Azadlıq Radiosunu Rusiyada qapatmayıb. O, düşünür ki, sizin liderlər zəifdir və ona heç nə edə bilməz. O, amerikalı, avropalı siyasətçiləri rüşvətlə ələ ala bilər. Bu, onun həyat tərzinə çevrilib. Bu, təkcə onun yolu deyil, dünyada bütün diktatorların yoludur, və çevrilib sizin ölkənizə gəlir. Bu, artıq ABŞ-dadır, Avropadadır. Əgər siz Lopensinizsə, hansısa diktator tərəfindən maliyyələşirsinizsə, banka gedib, seçki kampaniyanız üçün milyonlarla pul götürə bilərsiniz. Mənə bank göstərin ki, ora gedib Rusiyada, Özbəkistanda prezident olmaq üçün pul götürə bilərsiniz. Əliyev kimi diktatorlar artıq kreativdir.Bütün azadlıqları dəstəkləyən vətəndaş cəmiyyəti olaraq qəbul etməliyik ki, gücümüzü, hökmümüzü itirmişik. Mən həqiqətən Helsinki Komitəsinə, şəxsən Kris Smit kimi ABŞ və Avropada olan siyasətçilərə öz təşəkkürümü bildirirəm ki, onlar Əliyevin adını, rusiyalı məmurların adını sanksiya siyahılarına salırlar və ya salmağa cəhd göstərirlər. Amma bu, siyasətin ana xəttini təşkil etmir, daha çox fəaliyyət lazımdır. Mən bir daha təkrar edirəm, şəxsən İlham Əliyev sanksiya siyahısına salınmalıdır. Bununla ABŞ sübut edə bilər ki, gerçək ABŞ nədir, yoxsa bütün bunlar sizin ölkənizdə baş verəcək. Təşəkkürlər”.


Açar sözlər : 

Yazılıb da (də)   2018 may 15  Saat  12   Göndərən   مدير سايت Aran News
PDF Çap Dostlarına göndər Qayıt
Sizin rəyləriniz :
Ad :
Soyad :
  E-mail :
 
Bu material barədə öz rəyinizi bildirin