Gürcüstan Əhli-beyt (ə) cəmiyyətində Qurani-Kərimin qiraəti üzrə yarışma keçirildi
Arannews-Ahlibeyt.ge xəbər verir ki, bu gün mübarək ramazan ayı və İmam Həsənin (ə) təvəllüdü münasibəti ilə Gürcüstan Əhli-beyt (ə) cəmiyyətində dərs alan az yaşlı tələbələr arasında hədis və Qurani-Kərimin qiraəti üzrə yarışma keçirildi. Yarışma Əhli-beyt (ə) cəmiyyətinin Hüseyniyyəsində qeyd olundu.
Məclis Əhli-beyt (ə) cəmiyyətinin tələbələri Əsma Məmmədova, Zəhra İsmayilovanın aparıcılığı və Leyla Nəsibovanın Quran tilavəti ilə baş tutdu.
Sonra Əl-Mustafa (ə) unversetinin tələbəsi Kərbəlayi Əminə Məmmədova çıxış edərək İmam Həsənin (ə) həyatından və o həzrətin həyatında olan ibrətli hadisələrdən danışdı.
Daha sonra yarışmaya strat verildi və yarışmaya 13 nəfər az yaşlı tələbə qatıldı ilk öncə bir ildən az təhsil alan daha sonra isə bir ildən artıq təhsil alan tələbələr arasında baş tutdu.
Məclisdə qonaq olan Əhli-beyt (ə) məddahı Kərbəlayi Ramin Əliyev Peyğəmbərin (s) və Məsumların (ə) şəninə ilahilər səsləndirdi.
Qaliblərə Əhli-beyt (ə) cəmiyyəti tərəfindən hədiyyələr təqdim olunacaq.
