Tbilisidə baş qaldıran yeni etiraz dalğasının təşkilatçısı Zaza Saralidze Gürcüstanın baş naziri Qeorqi Kvirikaşvili ilə keçirdiyi görüşdən sonra mətbuata açıqlama verib.
Arannews-İslaminSesi yerli KİV-ə istinadın bildirir ki, kütləvi davada oğlunu itirmiş valideyn yeniyetmələrin ölümü ilə bağlı istintaqın yekunlaşdırılması üçün hökumətə iyunun 10-na kimi vaxt verib. Saralidzenin sözlərinə görə, əks təqdirdə Gürcüstan hökumətinin istefası tələbi ilə kütləvi mitinqlər davam edəcək.
“Ayın 10-a kimi baş nazirin vədləri yerinə yetirilməsə, biz yenidən ayağa qalxıb hökumətin istefasını tələb edəcəyik”, -deyə Saralidze jurnalistlərə verdiyi açıqlamada bildirib.
Onun sözlərinə görə, istintaqı saxtalaşdıran istənilən şəxsi həbs etmək lazımdır.