Rusiyanın BMT-dəki daimi nümayəndəsi Vasili Nebenziya İsrailin Fələstin torpaqlarının işğalına son verməsi lazım olduğunu bildirib.
Arannews-İslamazeri.com rus mediasına istinadən xəbər verir ki, Nebenziya bugünkü mətbuat brifinqində, "İşğala son verilməsi lazım olduğuna tamamilə razıyam ki, biz bunu daim dilə gətiririk. Fələstin-İsrail qarşıdurması əslində Yaxın Şərqdəki digər bütün münaqişələrin həllinin açarıdır. Həll ətrafında baş verənlər ilham verici deyil. Ötən həftə bu mövzuda bir görüş oldu. Fələstin münaqişəsinin geosiyasi narahatlıqların əsiri olduğunu birmənalı şəkildə dedik",- deyib.
Hər iki tərəfi qane edəcək bir həllin inkişaf etdirilməməsi təqdirdə, bu vəziyyətin Yaxın Şərqdə qeyri-sabitlik mənbəyi olaraq qalmağa davam edəcəyini qeyd edən rus diplomat, "İsrail ilə isti münasibətlərə gəlincə, bəli bu məsələdə şanslıyıq. Bəzi başqa ölkələrdən fərqli olaraq Yaxın Şərqin istisnasız bütün ölkələri ilə dostuq. Bəli, İsrail ilə çox yaxşı münasibətlərimiz var",- deyə bildirib.
İran qüvvələrinin Suriyanın cənub-qərbdən çəkilməsi istiqamətində İran və İsrail arasında razılaşma əldə olunduğu iddialarını da dəyərləndirən Nebenziya, "Suriyanın cənub-qərbdən bir növ təxliyə ilə bağlı razılıq əldə olunduğu barədə xəbərlər gördüm. Başa düşdüm ki, bu məsələdə razılığa gəlinib. Bu an etibarilə bu müqavilənin həyata keçirib tətbiq olunmadığını deyə bilmərəm, amma başa düşdüyümə görə, sazişin əldə olunması prosesində iştirak edən tərəflər olduqlarından qane olmuş vəziyyətdədirlər",- deyə əlavə edib.
Rus diplomat müqavilənin hazırda tətbiq olunmasa belə, ən qısa zamanda həyata keçiriləcəyini söyləyib.