Tarix : 2018 Jun 14
Kod 55550

Gözümüzün qarşısında vəkillik institutu məhv edilir

AXCP sədri Əli Kərimli Vəkillər Kollegiyası Rəyasət Heyətinin vəkil İradə Cavadovanın fəaliyyətini dayandırmasına münasibət bildirib. AXCP sədri feysbuk səhifəsində yazıb

Arannews:Rakurs.tv-Vəkil İradə Cavadovanı tanıyırsınızmı? İradə xanım Vəkillər Kollegiyası Rəyasət Heyətinin yeganə üzvü idi ki, tanınmış hәmkarı Yalçın İmanovun vəkillik fəaliyyətindən uzaqlaşdırılmasına etiraz etmişdi. 6 ay sonra özünü də vəkillikdən uzaqlaşdırdılar. Gözümüzün qarşısında vəkillik institutu məhv edilir. Əgər əvvəllər müstəqil vəkilləri tanınmış siyasi məhbusları müdafiə etdiyinə, məhbuslara verilən işgəncəni ictimailəşdirdiyinә görə vəkillikdən uzaqlaşdırırdılarsa, indi artıq öz həmkarını müdafiə etməyə cəsarət göstәrənləri də cəzalandırırlar. Standartları aşağı sala-sala gedirlər. Əziz həmvətənlər, vəkilliyin bir institut kimi sıradan çıxarılması yalnız ictimai-siyasi fəalları deyil, hamımızı narahat etməlidir. Etiraz səsimizi hamılıqla ucaltmalıyıq!

  • Yazılıb
  • da (də) 2018 Jun 14
  • Göndərən مدير سايت Aran News