Ermənistan ordusunun hərbi qulluqçularının xeyli hissəsinin ailəsi çətin şəraitdə yaşayır. Bunu Gümrüdə yaşayan bir ailənin son 20 il ərzində yaşadığı mənzilin görüntüləri də təsdiqləyir. Bugünlərdə şəhərə gələn argentinalı xeyriyyəçi erməni ailənin bu vəziyyətini görərək onlara üçotaqlı ev bağışlayıb.
Arannews-Hədəf14.az xəbər verir ki, “KarabakhTV” bu haqda işğalçı ölkənin mediasına istinadla məlumat yayıb.
Argentinada yaşayan Minasyanlar ailəsinin qızı ötən il Ermənistanda olarkən xeyriyyəçilərin çətin şəraitdə yaşayanlara mənzil bağışlamasının şahidi olub və özü də belə bir addım atmağa qərar verib. Builki gəlişində o, Gümrüdə oğlanları Azərbaycanın işğal altındakı torpaqlarında hərbi xidmət keçən Saakyanlar ailəsinin 20 ildir ki, gəmiricilərin qaynaşdığı bir xaraba məkanda yaşadıqlarını öyrənib və həmin ailəyə üçotaqlı mənzil bağışlayıb.