İraqın baş naziri heydər Əl-Əbadi mayın 12-də keçirilən parlament seçkilərinin təkrar keçirilməyəcəyini açıqlayıb.Təsnim
Arannews-Əl-Əbadi ölkənin siyasi prosesini qarışdırmaq istəyənlərin cəzalandırılacaqlarını bildirib.
“Geriyə dönüş yoxdur. Seçkilər keçirilib və yeni hökumət qurmaq lazımdır”, - deyə Əl-Əbadi bildirib.
Seçki nəticələrinin ləğv etməyə nə parlamentin, nə də hökumətin mandatının olmadığını vurğulayan Əl-Əbadi, sözlərinə belə davam edib: “Seçkilərin yenidən keçirilib keçirilməməsinə yalnız federal məhkəmə qərar verə bilər”.Bağdadda səsvermə bülletenlərinin yerləşdiyi anbarda baş verən yanğın hadisəsinə toxunan İraqın baş naziri, ilkin istintaqın yanğının qəza nəticəsində yox, qəsdən törədildiyini göstərdiyini deyib.
Yanğından sonra bəzi siyasi partiya və qruplar seçkilərin yenidən keçirilməsini istəmişdilər.