“İsrailin mühasirəsindən dolayı və maaşların verilməsi probleminə görə Qəzza son 12 ilin ən çətin iqtisadi və mürəkkəb humanitar durumunu yaşayır. Ona görə bu ilin Fitr bayramı son 12 ildə Qəzzada ən çətin bayram olacaq”
Arannews-İslaminSesi.info əl-Aləmə istinadla xəbər verir ki, bu xəbərdarlığı fələstinli deputat Camal əl-Xudri edib.
Qəzzada heç bir bayram hal-əhval ruhiyyəsinin olmadığını bildirən fələstinli deputat, bunun səbəbini İsrail tərəfindən hava, quru və sudan tətbiq edilən mühasirənin, nəticə etibarilə maaşların gecikməsi, işsizliyin artması və yoxsulluğun kəskin çoxalması olduğunu bildirib.
Qeyd edək ki, Qəzza zolağında 2 milyona yaxın fələstinli yaşayır. Hazırda bölgə hava quru və sudan İsrailin mühasirəsindədir.
Xatırladaq ki, BMT Baş Assambleyası ötən gün İsrail rejimini Qəzza zolağının sərhədində fələstinli nümayişçilərə qarşı qeyri-proporsional güc tətbiqinə görə pisləyib və fələstinlilərin beynəlxalq müdafiə ilə təmin olunması variantlarını araşdırmaq barədə göstəriş verib. Ötən ayda Qəzza-İsrail sərhədləri zolağında dinc aksiya keçirən fələstinlilərdən 100-dən çoxu İsrail rejimi qüvvələrinin gülləsinə tuş gələrək şəhid olubl