Arannews- NTV telekanalına istinadən verdiyi xəbərə əsasən, Türkiyə Prezidenti Rəcəb Tayyib Ərdoğan bəyan edib ki, bazar günü keçirilmiş prezident və parlament seçkilərinin nəticələrinə əsasən xalq dövlət başçısı postunu ona etibar edib.“Bizim xalqımıız prezident vəzifəsinin icrası işini bizə etibar etdi.”, - deyə Ərdoğan İstanbulda çıxış edərkən bildirib.Dövlət başçısı həmçinin seçkilərdəki yüksək iştirak faizini də qeyd edib. Qeyd edək ki, seçicilərin təxminən 90 faizi seçkidə iştirak edib. Onun fikrincə belə hal demokratiyanın göstəricisi və dərsidir.“Səs verən bütün vətənşdalara təşəkkür edirəm. 90 faizlik seçici fəallığı - bu, rekorddur, bu, hamı üçün olan demokratiyanın göstəricisi və dərsidir. Xalq öz iradəsini göstərdi. Seçkiqabağı kampaniya zamanı olan bütün gərginliyi geridə qoymaq və qətiyyətlə irəli getməyə davam etmək lazımdır. Ümid edirəm ki, heç kəs bizim seçki sistemimizə kölgə salmayacaq və öz uğursuzluğunu gizlətmək naminə ona ziyan vurmayacaq.”, - deyə Ərdoğan bildirib.Bülletenlərin 95 faizinin hesablanmasına əsasən, prezident seçkilərində təxminən 53 faiz səslə Ərdoğan liderlik edir, onun əsas rəqibi Muharrem İnce təxminən 31 faiz səs toplayıb.