Arannews- “Russia Today”-ə istinadən verdiyi xəbərə əsasən, Türkiyə prezidenti Rəcəb Tayyib Ərdoğanın mətbuat katibi İbrahim Kalın bəyan edib ki, ABŞ-lı konqresmen Adam Şiff “ağzını yummalıdır”. “Əlbəttə, prezident Ərdoğana sizin təbrikləriniz lazım da deyil, Adam Şiff. Türkiyə xalqı öz fikrini bildirdi. Siz ağzınızı yummalısınız.”, - deyə Kalın bildirib.Xatırladaq ki, amerikalı konqresmen Şiff Ərdoğanı seçkilərdəki qələbəsi münasibəti ilə təbrik etməməyə dair çağırış etmişdi. Şiff buna səbəb kimi isə, Türkiyə başçısının guya ki, ölkəsində müxalifət və KİV-ə güclü təzyiq göstərməsini göstərib. Türkiyəli rəsmi də məhz bundan sonra məlum bəyanatını edib.