"Azərbaycan Qida Təhlükəsizliyi Agentliyi (AQTA) Qafqaz Müsəlmanları İdarəsinin (QMİ) rəhbərliyi ilə qida məhsullarının dini baxımdan halal olub-olmadığı ilə bağlı müəyyən danışıqlar aparırıb. Yaxın günlərdə bu barədə müəyyənlər addımlar atılacaq".
Arannews-FaktXəbər-in "SalamNews"a istinadən verdiyi xəbərə görə, bunu Azərbaycan Qida Təhlükəsizliyi Agentliyinin sədri Qoşqar Təhməzli bu gün keçirdiyi mətbuat konfransında məlumat verib.Q.Təhməzli xüsusi vurğulayıb AQTA dövlət qurumu olduğu üçün hansısa qida məhsulunun halal olub olamdığı ilə bağlı rəy verə bilməz. "Halallıq" məsələsi dini ayin olduğu üçün bunu ancaq bu sahə ilə məşğul olan müvafiq qurumlar verə bilər. Yəni Azərbaycanda dini qurum olan QMİ qida məhsullarına "Halal"lıq verdikdən sonra AQTA həmin məhsula müəyyən sertifikat verəcək. Q.Təhməzli təəsüflə bildirib ki, bu gün “Halal” məhsulları standartlarının verilməsi ilə bağlı əhali və sahibkarlar arasında yanlış fikir formalaşıb. Qida Təhlükəsizliyi Agentliyi qidanın halal olub-olmadığı ilə bağlı rəy və yaxud da sertifikatı vermir, verməyəcək. Agentliyin işi qidanın tam təhlükəsiz olub-olmadığını yoxlamaqdır.