Azərbaycan Respublikasında keçirilən İran mədəniyyət həftəsinin ikinci günündə "Həzrət Muhəmməd Rəsulallah(s.ə.s.)" adlı bədii film İranın islami mədəniyyət və irşad naziri Seyid Abbas Salehi və Azərbaycan Respublikasının mədəniyyət naziri Əbülfəs Qarayev, həmçinin İranın Azərbaycan Respublikasındakı səfirinin iştirakı ilə Bakının Nizami kino mərkəzində ekrana çıxıb.
Arannews-İranın tanınmış rejissoru Məcid Məcidinin çəkdiyi bu ölməz əsər fars dilində azeri altyazı ilə nümayiş etdirilib və bu müsəlman ölkənin əhalisi tərəfindən yaxşı qarşılanıbdır.Azərbaycan Respublikasının əhalisi, eləcə də bu ölkənin mədəniyyət və incəsənət xadimləri, xüsusən kinematoqrafları da bu filmə heyran olaraq, onun rejissoruna təşəkkür ediblər.
Filmin ekrana çıxmasından öncə Məcid Məcidi çıxış edib. O, öz çıxışında deyib: Bu filmin Azərbaycan Respublikasında göstərilməsi hərçənd gec baş veribdir, lakin yenə də bir çox mədəni ortaqlıqlara malik olduğumuz qonşu ölkədə olmağıma şadam və bu ortaqlıqların iki ölkə əlaqələrinin kino sahəsində genişlənəcəyinə səbəb olacağına ümid edirəm.