İslami irşad və mədəniyyət nazirinin Bakıya səfəri ilə eyni zamanda İran və Azərbaycanın birgə istehsal edəcəyi “Hay Voltaj” filminin çəkilişi başlandı.
AranNews - Azərbaycan Respublikası mədəniyyət nazirinin dəvəti və İranın İslami irşad və mədəniyyət naziri Seyid Abbas Salehinin başçılıq etdiyi heyətlə birgə Bakıya səfər etmiş Farabi Kino Fondunun icraçı direktoru Əlirza Tabiş “Hay Voltaj” filminin Bakının qədim şəhərində aparılan çəkiliş işləri ilə tanış olub.Tanışlıq görüşündə Tehranın Bakıdakı səfirliyinin mədəniyyət attaşesi Əsğəf Farsi, mədəni əməkdaşlıq və xaricdə yaşayan iranlıların işləri üzrə mədəniyyət və islami münasibətlər qurumunun müdiri Məhəmmədəli Kiyani da iştirak edib.Əlirza Tabiş İranın İslami irşad və mədəniyyət nazirinin Bakıya səfəri ilə eyni zamanda İlham Rüstəmovun rejissorluğu ilə İran və Azərbaycanın birgə istehsalı olacaq “Hay Voltaj” filminin çəkilişinin başlamasından razılığını bildirməklə yanaşı kinonu iki ölkə arasında ortaq mədəni körpü adlandırıb.
Ə. Tabiş deyib: “Bu gün “Hay Voltaj” filminin çəkilişinin başlanması ilə İran və Azərbaycan kinosunun əlaqələri yeni mərhələyə qədəm qoymuşdur. İki ölkə arasında mədəni, dini, tarixi, incəsənət ortaqlıqları iranlı və azərbaycanlı incəsənət xadimlərinin dəyərli əsərlər yaratmalarına zəmin yaradır.”Bu görüşdə filmin prodüseri Əmir Şəhab Rəzəviyan deyib: “Bu kino əsərinin sekansları Bakı, Meşkinşəhr və Ərdəbildə çəkiləcək. Filmin İranın azərilər yaşayan bölgələrində, habelə Tehran və digər şəhərlərdə geniş şəkildə ekrana çıxarılması nəzərdə tutulub. Bu filmin hazırlanmasında lazımi səviyyədə maliyyə dəstəyinə diqqət etməklə, onun üçün xərclənmiş investisiyanı qaytarmaq, üstəlik gəlir əldə etmək mümkündür. Bundan əlavə filmin Türkiyədə də ekrana çıxarılması nəzərdə tutulub və bu ölkənin yayım üzrə müdirləri ilə də müzakirə etmişik.”“Hay Voltaj” filminin iranlı əməkdaşları: prodüser Əmir Şəhab Rəzəviyan, layihə icraçısı Babək Şirinsifət, baş operator Mehdi Pərizad, ssenari müəllifi Babək Şirin, istehsal müdiri Məcid Fərdiənvar, səs operatoru Mürtəza Nəcəfli, qrim dizayneri Həmid Yusif, səhnə və geyim dizayneri Ruzbeh Cəfərzadə, birinci köməkçi və proqramçı Həmid Əzizi, səs köməkçisi Əmir Rzaqulizadə, qrim icraçısı Məryəm Rixam, qrim köməkçisi Nigar Şirinsifət, operator köməkçiləri Fərzad Nöhkax, Ğəfur Şirinsifət və Əmir Saki, səhnə və geyim köməkçiləri Sasan Rövnəq və Reyhanə Mahmudova, iranlı aktyor Rza Nacidir.Həmçinin Azərbaycanın tanınmış aktyorları Elməddin Cəfərov, Çinarə Məlikzadə, Ziya Ağa və Kəmalə Piriyeva filmdə iştirak edirlər. Filmin rejissoru Azərbaycan kino sənətinin tanınmış siması İlham Qasımovdur.Azərbaycan Respublikasında İranın mədəniyyət günləri İslami irşad və mədəniyyət naziri Seyid Abbasın iştirakı ilə 27 iyundan 1 iyuladək Bakı və Gəncə şəhərlərində keçiriləcək.Ötən ilin tir ayında da Tehran, İsfahan və Ərdəbil şəhərləri Azərbaycan Respublikasının mədəniyyət günlərinə evsahibliyi etmişdi.Bu kimi mədəni əlaqələrin davam etməsi iki ölkə arasında dərin və strateji bağlılıqları göstərir.