Yəmənin Səhiyyə Nazirliyi dünən gecə bildirib ki, Səudiyyə Ərəbistanının Yəmənə təcavüzündən bəri böyrək xəstəliyi üzündən 1200 yəmənli həyatını itirib.
Arannews-İRİB-in verdiyi məlumata görə, Yəmənin Səhiyyə Nazirliyi dializ edilən böyrək xəstələrinin hər an ölüm təhlükəsi ilə üz-üzə olduqlarını bildirərək deyib: Yəmənin qərb sahilindəki son toqquşmalar ölkənin durumunu daha da gərginləşdirib.
Təcavüzkar Səudiyyə koalissiyası 13 iyundan Yəmənin qərbində Əl-Hədidə limanının işğalı əməliyyatına başlayıb. Əl-Hədidə limanı Yəmənə hümanitar yardımların çatdırılması üçün ən əsas marşrutdur.
BMT Əl-Hədidə limanına qarşı baş verənlərdən nigaran qaldığını bildirib.
Səudiyyə Ərəbistanı, Birləşmiş Ərəb Əmirlikləri, Amerika, sionist rejim və bəzi müttəfiqlərinin himayəsi ilə 2015-ci ilə mart ayından Yəmənə qarşı hərbi təcavüzə start verib və bu ölkəni quru, dəniz və havadan mühasirəyə alıb. Bu təcavüz nəticəsində bu günədək 14 mindən çox yəmənli ölüb, on minlərlə adam yaralanıb və milyonlarla insan didərgin düşüb.