ABŞ rəhbərliyindəki İŞİD əleyhinə beynəlxalq koalisiya Suriya və İraqda 2014-cü ildən bu yana keçirilən hücumlarda ən az 939 mülki sakinin səhvən öldürüldüyünü açıqlayıb.
Arannews-İslamazeri.com xəbər verir ki, koalisiya tərəfindən yayımlanan hesabata görə, koalisiya qüvvələri 2014-cü ilin avqust ayından 2018-ci ilin iyun ayına qədər 29596 hücum təşkil edib.
Hesabatda, "Bu gündən etibarən əldə edilən məlumatlar daxilində Birləşmiş Birgə Vəzifə Gücünün (CJTF-OIR) qiymətləndirmələrinə görə Təbii Qətiyyət Hərəkatının başladığı gündən bu yana koalisiyanın hücumları nəticəsində ən azı 939 dinc sakin səhvən öldürülüb" sözlərinə yer verilib.
Koalisiyanın yaydığı bir əvvəlki hesabatda mülki itkilərin sayının 892 olduğu bildirilmişdi.
ABŞ rəhbərliyindəki İŞİD əleyhinə koalisiyanın Suriyadakı hücumları nəticəsində ortaya çıxan mülki itkilər, uzun müddətdir mübahisə mövzusudur. Suriyalı qaynaqlar koalisiyanın hücumlarında həyatını itirən mülki sakin sayının daha yüksək olduğunu iddia edir.
Rusiya və Suriya Suriyadakı varlığı qanuni olmayan ABŞ-ın əməliyyatlarının regiona sabitlik gətirməkdən uzaq olduğunu vurğulayır.