Azərbaycan qəza səbəbindən işıqsız qalan regionlarını elektriklə təmin etmək üçün Rusiya və Gürcüstandan elektrik enerjisi alır.
Arannews-FaktXəbər bildirir ki, bu barədə "Azərenerji" ASC-nin mətbuat xidməti məlumat yayıb.
"Azərbaycanın qonşu Rusiya və Gürcüstanla əməkdaşlığı mövcuddur. Hazırda biz Azərbaycanın regionlarında enerji təchizatı üçün həmin ölkələrdən elektrik enerjisi alırıq",-deyə "Azərenerji"nin məlumatında qeyd olunur.
Hazırda ölkənin strateji dövlət obyektlərinin elektrik enerjisi ilə təchizatı tam həcmdə bərpa olunub.