Suriya qaynaqları bu ölkənin cənub qərbində yerləşən yaraqlı qrupların Duranın şərqində yerləşən Bəsri Əşşam şəhərinin orduya təhvil verilməsi ilə razılaşmalarından xəbər verib.
Arannews-Mehr xəbər agentliyinin verdiyi məlumata görə, həmin qaynaqlar bildiriblər ki, silahlı qruplar Suriya hökuməti ilə barışıq prossesi və silahlarının təhvil verilməsi və Suriya ordusu qüvvələrinin bu şəhərə girişinə zəmin yaradılması ilə razılaşıblar. Öncə də Suriya ordusu silahlı qruplarla barışıq razılaşmasından sonra Duranın şimalında bir neçə qəsəbəyə daxil olmuşdur. Spotnik isə dünən Suriyada Həmimim hava bazasına naməlum PUA-ların hücumunun dəf edilməsindən xəbər verib. Bu məlumata görə, hücumçu PUA-lar Rusiyanın hava hücumundan müdafiə sistemi vasitəsi ilə məhv edilib və hadisə heç bir ziyan olmadan bitib.
Başqa məlumata görə, Suriyadakı təkfirçi terrorçular Hələbin ətrafında şiə sakinli Nəbl və Əzzəhra qəsəbələrini raketlə hədəfə alıblar.Hələbin digər bölgələri də terrorçuların raket hədəfində olub.