ABŞ prezidenti Donald Trampın ötən ilin dekabr ayının 6-da Qüds şəhərinin sionist rejiminin paytaxtı elan etmiş, may ayında isə Təl-Əvivdəki səfirliyini Qüdsə köçürmüşdü. Bundan sonra Qəzza ilə İsrailin işğal etdiyi ərazilərin sərhədlərində fələstinlilərin dönüş yürüşləri başlamışdı.
Arannews-İslaminSesi.info xəbər verir ki, Fələstinin “əl-Qüds” araşdırmalar mərkəzi Trampın Qüds qərarından sonra qətlə yetirilən mülki fələstinlilərin sayını açıqlayıb.
Mənbə bildirib ki, Qəzza zolağında və İordan çayının qərb sahilində dönüş yürüşlərində 202 fələstinli sionist rejimi qüvvələri tərəfindən qətlə yetirilib.
Şəhid edilən 202 fələstinlinin arasında 35 uşaq və biri jurnalist və biri həkim olmaqla 5 qadın və 5 əlil var. Sionist qüvvələrinin təcavüzü nəticəsində ölən ən azyaşlı fələstinli isə 8 aylıq Leyli əl-Ğandur adlı körpədir
Qeyd edək ki, bir sıra müsəlman və qeyri müsəlman dövlətləri sionist rejiminin bu qətliamını BMT Təhlükəsizlik şurasında qaldırmaq istəsələr də ABŞ-ın vetosu ilə buna nail ola bilməyiblər.