Baxmayaraq ki, ABŞ və İsrailin və eləcə də onların bölgədəki ərəb müttəfiqlərinin İranı xaosa çəkmək üçün əməliyyat otaqları əvvəldən mövcud olub, lakin bu ilk dəfədir ki belə bir komandanın təşkil edilməsi haqda açıq-aşkar şəkildə məlumat verilir.
Arannews-ABŞ və İsrail İranın daxilini xaosa çəkmək üçün vahid komanda təşkil etdiklərini bəyan ediblər.
Bu barədə məlumatı verən İsrailin onuncu telekanalı və “Hadashot” qəzeti bildirib ki, Vaşinqton və Təl-Əviv Trampın İrana qarşı planı istiqamətində əməliyyat otağı İsraildə yerləşən komanda təşkil ediblər.Bu komanda İranı siyasi və iqtisadi cəhətdən təcrid etmək, daxildə xaos, narazılıq və etirazlar yaratmaq üçün İran daxilində və xaricində işlər görəcək.“Hadashot” qəzeti bu planın detallarını açıqlamayıb və onun “məxfi” olduğunu deyib.Qeyd edək ki, bir həftə öncə Fransada “Xalq Mücahidləri”nin (İranda onlarla terror aktı törətmiş Munafiqin adlı təşkilat) qurultayı keçirilmiş və ABŞ prezidenti Donald Trampın milli təhlükəsizlik məsələləri üzrə müşaviri Con Bolton, eləcə də bir sıra ərəb və sionist nümayəndələri bu qurultaya qatılmışdılar