Tarix : 2018 Jul 13
Kod 55829

İsrail Ən-Nusra istiqamətdə irəliləyən Suriya Ordusuna aviazərbələr endirib

Sionist rejimin hərbi təyyarələri ötən gün Suriyanın cənubunda Qunaytara əyaləti ərazisində əl-Bəəs və əl-Hədər rayonlarında Suriya Ordusunun mövqelərinə hava zərbələri endirib.

Arannews-İslaminSesi.info İsrail mətbuatına istinadla xəbər verir ki, sionist rejimi bu hücumun Suriya ərazisindən gələn bir pilotsuz uçan aparata görə həyata keçirildiyini bildirib. 

Suriya Ordusuna dəyən xəsarətlərin yalnız maddi olduğu deyilir. Qunaytara əyalətinə atılan bəzi İsrail raketlərinin havadan müdafiə sistemləri ilə zərərsizləşdirildiyi bildirilir. 

Lakin görünən budur ki, Suriya Ordusunun son günlərdə Dəra əyalətinin 85 faizini alması, İordaniya-Suriya sərhədinin 95 faizinin təmizlənməsi və Qunaytara əyaləti istiqamətdə “ən-Nusra”, “Azad Suriya Ordusu” və “İŞİD” mövqelərinə tərəf irəliləməsi İsraili hərəkətə keçməyə və qruplaşmalara havadan dəstək verməyə vadar edib. 

Bu hava zərbələri İsrail baş naziri Benyamin Netenyahunun Rusiyada Vladimir Putinlə görüşü zamanına təsadüf edib. Eyni gündə İran İslam İnqilabının Ali lideri Ayətullah Seyid Əli Xameneinin beynəlxalq məsələlər üzrə müşaviri Əli-Əkbər Vilayəti də Moskvada Rusiya rəsmiləri ilə görüşlər keçirib.



  • Yazılıb
  • da (də) 2018 Jul 13
  • Göndərən مدير سايت Aran News