Arannews-Məhəmməd Məhya ehtimal olunan belə bir hücumun arxasında birmənalı olaraq Amerikanın duracağını bildirib. O, Amerikanın İranı regionda mühasirə altına almağa çalışdığını deyib.
Hizbullah briqadalarının sözçüsü İraq hökumətinin İsrail rejimindən gələcək mümkün hücuma qarşı laqeyd qalmamasını da istəyib.Xatırladaq ki, Küveytdə nəşr edən Əl-Cəridə qəzeti İsrail rejiminin mənbələrinə əsaslanaraq verdiyi xəbərində, İsrail rejiminin İraqın içində hücum etməyi planlaşdırdığı bölgələri dərc edib. Bu bölgələrdə İranın Suriyaya hərbi sursat və avadanlıq göndərdiyi İraqdakı hərbi bazalar yerləşir. Xəbərdə israilli mənbələrdən alınan görüntülərin iki ay əvvəl havadan çəkilərək, Əl-Cəridə qəzetinə göndərildiyini bildirib.
Qəzet İsrail rejiminin Tehranın Bağdad üzərindən Şama uzanan hərbi oxundan narahat olduğunu qeyd edərək, İraqda İran tərəfindən bu gün istifadə edilən bəzi hərbi bazaların əvvəllər Amerika tərəfindən istifadə edildiyini vurğulayıb.Əl-Cəridə qəzeti, eyni zamanda İsrail rejiminin Suriyada İraq sərhədinə yaxın bölgədə hava hücumu həyata keçirdiyini və bu hücumların hədəfində inqilab qvardiyasına məxsus bazaların olduğunu iddia edib.Qəzet son olaraq, İranın Suriyada hərbi güc olmaq istədiyin bildirərək, belə yazıb: “İsrail rejiminin son addımları bölgədə bir çox dəyişikliyə səbəb ola bilər”.