Yəmən Silahlı Qüvvələrinin sözçüsü polkovnik Şərəf Qalib Loğman xarici şirkətlərin BƏƏ və Səudiyyədə qalıb fəaliyyətlərinə davam etməmələri barədə xəbərdarlıq edib.
Arannews-Deyerler.org Ansarollah-a istinadən xəbər verir ki, polkovnik Şərəf Qalib Loğman Səudiyyə rejiminin rəhbərlik etdiyi koalisiyanın Yəmənin qərb sahillərində əməliyyatlarını dayandırmasına dair verilən xəbərləri təkzib edib.Loğman işğalçı qüvvələrin Əd-Durayhimi, Əl-Cah və Əl-Fazda mühasirəyə alındığını bildirib, koalisiyanın onlara havadan yardım və dəstək verdiyini qeyd edib: “Yəmən raketləri və PUA-ları BƏƏ və Səudiyyə Ərəbistandakı bütün nöqtələrə çata bilər. Yəmənli qüvvələrin hədəfində olan Dubay və Abu Dabi təhlükəsizlikdə deyil”.Bu arada, BƏƏ-nin xarici işlər naziri Ənvər Qarqaş Yəmənin Hudeyda limanında hərbi əməliyyatın yenidən başlayacağını bildirib. Qarqaş açıqlamasında, BMT-nin Yəmən üzrə xüsusi nümayəndəsi Martin Qriffitsin Ənsarullahı Hudeyda limanı barədə yola gətirə bilməməsi vəziyyətində bu şəhərə qarşı yeni əməliyyat başladacaqlarını deyib.