ABŞ Prezidenti Donald Tramp, ABŞ-da keçiriləcək növbəti seçkilərdə Rusiyanın Demokratların xeyrinə seçkilərə müdaxilə etməyə çalışacağını bildirərək, "Qətiyyən Trampı istəmirlər"! deyib.
Arannews-İslamazeri.com xəbər verir ki, Tramp "Twitter" vasitəsilə etdiyi açıqlamada, Rusiyanın növbəti seçkilərə müdaxilə edə biləcəyi istiqamətində xəbərdarlıq edib.Tramp paylaşımında "Rusiyanın gələcək seçkilərə təsir etmək üçün səy göstərəcəyinə dair çox ciddi narahatlıqlarım var. Məndən daha çox heç bir prezidentin Rusiyaya qarşı daha sərt olmadığını nəzərə alsaq, sərt bir şəkildə Demokratları dəstəkləyəcəklər. Qətiyyən Trampı istəmirlər",- deyə qeyd edib.ABŞ-da xüsusən Demokratlar Rusiyanın Trampın qalib gəldiyi prezidentlik yarışında seçkilərə müdaxilə etdiyi istiqamətindəki mübahisəni davam etdirirlər.Tramp Rusiya Prezidenti Vladimir Putinlə Finlandiyanın paytaxtı Helsinkidə görüşdüyü sammitdə etdiyi bəyanatlar səbəbilə ABŞ-da Konqres və media tərəfindən sərt şəkildə tənqid edilmişdi.
Özünün Rusiya ilə yaxın əlaqə içərisində olduğu yönündəki tənqidləri ciddiyə almayan Tramp Putini payızda Vaşinqtona gəlməsi üçün dəvət etdiyini bildirmişdi.