Ustad Şəhriyarın şagirdi, təbrizli şair, ədib və Qafqaz üzrə tədqiqatçı Əsğər Fərdi ürək dayanması nəticəsində əlli beş yaşında vəfat edib.
Arannews-Təbrizli ədib, şair, tədqiqatçı və Sənədli filmlər Rejissoru Əsğər Fərdi 55 yaşında fani dünyanı tərk etdi.Təbrizli ədəbiyyatşünasın qəfildən ölümünə səbəb, ürək tutması olub.Həyatının son anlarında Təbriz şəhərində ata evində yaşlı anasının qulluğunda olan Əsğər Fərdi İran, Türkiyə və Azərbaycan Respublikasında yaxşı tanınmış simalardan idi.
Əsğər Fərdi İran mədəniyyəti və ustad Şəhryarın mədəni irsinin tanıtdırılmasında, xüsusilə Araz çayı şimalındakı bölgədə böyük xidmətləri olub.Əsğər Fərdinin Azərbaycan Respublikasında da sevilib oxunan çoxlu elmi əsərləri yadigar qalıb. O cümlədən » Safi Tabrizinin Divanı« , » Şəhryar və İslam İnqılabı « , » Təbriziyyat « , » Bizim Üsyanımız « və çoxlu səs albomu Fərdidən qalan yadigarlardır.Bəlkə də Əsğər Fərdinin ən çox yadda qalan əsəri, Şəhryarın ömürünün son illərində, böyük şairin tələbəsi olmaq və əlbəttəki, Şəhryarın şerlərini, ustadın öz səsi ilə yazıb və əbədiləşdirməsidir.Mərhum Fərdi şairlik, yazıçılıq və tədqiqat sahəsindən əlavə media və sənədli film istehsalında da yaddaqalan əsərlər yaradıb. » Qafqazın Onyeddi Şəhəri « və » Xəzər Səfərnaməsi « Fərdinin sənədli film istehsalı sahəsində olan dəyərli yadigarlarındandır.
Allah rəhmət eləsin!