30 sutka inzibati cəza alan AXCP üzvü Zəfər Əhmədlinin səhhətinə görə ombudsmana müraciət olunub.
Arannews-Bu barədə Meydan TV-yə AXCP üzvünün ailəsindən məlumat veriblər.Deyirlər ki, böyrək ağrılarından əziyyət çəkən Zəfər Əhmədlinin davamlı qulluğa, sağlığının diqqətdə saxlanmasına ehtiyac var:“Təcridxanada belə şərait yoxdur. Lazım olan dava-dərmanı da özümüz alıb vermişik”.Yaxınlarının deməsinə görə, cəbhəçinin sağlıq durumunun diqqətdə saxlanması üçün əlaqəli qurumlara müraciət olunub.Avqusun 17-də cəbhəçinin vəkilləri onun sağlıq durumu ilə bağlı İnsan Hüquqları üzrə Müvəkkilə (Ombudsaman) müraciət ediblər.
Z.Əhmədli həbsdə olan AXCP üzvü Fuad Əhmədlinin atasıdır.Fuad Əhmədli 2016-cı ilin avqustun 17-də saxlanılıb. O, işlədiyi “Azerfon” şirkətində texniki vasitələrdən istifadə etməklə, bir sıra müştərilər haqda fərdi məlumatları kənar şəxslərə ötürməkdə ittiham edilir. Bildirilir ki, Fuadın həbsindən sonra onun yaşadığı evdə aparılan axtarış nəticəsində ABŞ-da yaşayan ilahiyyatçı Fətullah Gülənə aid materiallar olan disklər, kitablar tapılıb.F.Əhmədli Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1 (vəzifə səlahiyyətlərindən sui-istifadə) maddələri ilə ittiham olunurdu. Bakı Ağır Cinayətlər Məhkəməsinin hökmü ilə ona 4 il həbs cəzası kəsib.F.Əhmədli ittihamları rədd edir və siyasi baxışlarına görə siyasi sifarişlə həbs olunduğunu bildirir.