Tarix : 2018 Aug 21
Kod 56191

Türkiyə tək deyil-Əlirza Cabbari

Türkiyənin müsəlman ölkə olaraq ona qarşı təxribat aparmaqda ən çox payı olan bir müttəfiqi tərəfindən sanksiyalarla qarşılaşması, yankilərin iç üzünü türklərə açıb göstərdi.

Arannews-Bir çox türk siyasətçiləri Amerikaya etibar etməsə də, bu ölkənin uzun illər Türkiyə dövləti ilə yaxşı və möhkəm münasibətləri olması səbəbdən Amerika və Türkiyə beynəlxalq arenada iki müttəfiq ölkə kimi ytanınmış, Ankara Vaşinqtonun xarici siyasətində etibarlı müttəfiq sayılmışdır.Donald Trampın prezident kimi hakimiyyət başına gəlməsindən sonra onun Türkiyəyə qarşı sanksiya tətbiq edəcəyinə inanan az adam tapılardı. Amma bu hadisə baş verdi və 2016-cı il 15 iyulda hərbi çevrilişə cəhddən sonra Amerikanın bu hadisəni gec və meylsizliklə pisləməsi artıq bu sanksiyalara inanmağı gözlənilən etmişdi.Çevriliş hadisəsindən sonra Ankaranın Vaşinqtondan nurçuların lideri Fətullah Güləninin ekstradisiya ilə bağlı tələbinə ABŞ rədd cavabı verdi və çevrilişin əsas rəhbəri sayılan Güləni Türkiyə verməkdən imtina etdi. Bu məsələ iki ölkə münasibətlərinə kölgə saldı və getdikcə gərgin duruma çatdı. Münasibətlərin soyumasının davamında Türkiyə keşiş geyimində ölkədə casusluqla məşğul olan Amerika vətəndaşı Endryu Brunsonu həbs etdi. Beləliklə, Türkiyə faktiki surətdə Amerikanın qarşısına çıxdı. Amerikalı casusun həbsi 15 iyul çevrilişçisini ölkəyə qaytarmaq üçün yaxşı fürsət olsa da, Ağ Ev türklərin istəyini rədd etməkdən əlavə, quldurluq edərək öz casusunun azad edilməsini tələb etdi. Bu tələb Ankaranın müxalifəti ilə qarşılaşdıqda Türkiyənin iki nazirinə qarşı sanksiya tətbiq etdi və beləliklə, iki ölkə münasibətləri yeni mərhələyə daxil oldu. Sözü gedən mövzu Türkiyə və bu ölkənin prezidenti Rəcəb Təyyib Ərdoğanın reaksiyası ilə qarşılaşdı, Ankara da uyğun əksül-əməl göstərərək Amerikanın iki nazirinə qarşı sanksiya tətbiq etdi və onların Türkiyədəki əmlakını müsadirə edəcəyi ilə təhdid etdi.Bir müddət keçdikdən sonra Amerika tərəfdən Ankara-Vaşinqton arasında yaranmış kin-küdurətin aradan qaldırmasını xatırladan ismarışlar verildi. Amma Ağ Evin Türkiyə ilə yaranmış vəziyyəti həll etmək istədiyini bildirməsindən çox keçməmiş Amerikanın xəzinə naziri Stevan Mnuçin Vaşinqtonun Ankaraya qarşı yeni sanksiyalarından xəbər verərək təhdid etdi ki, əgər Vaşinqtonun tələbləri yerinə yetirilməsə və amerikalı keşiş azad edilməsə, sanksiyalar icra olunacaq.Bəs görəsən, Amerika 80 milyon cəmiyyəti olan müsəlman ölkəsi Türkiyədən əl çəkəcək, ya yox? Yaxud türklər ABŞ-ın bu əhdə vəfasızlığını unuda biləcəkmi və yankilərlə bir daha münasibət qurub öz vəhdətlərini qoruya bilcəklərmi? Bu mövzu gələcək hadisələrə bağlıdır.Əhəmiyyət daşıyan məsələ budur ki, Ərdoğan qərb müttəfiqini şərq müttəfiqi tapacağı ilə təhdid etdi. Bundan sonra Rusiya, İran, Çin və Türkiyənin Amerikanın ticarət hərəkətlərinə qarşı ortaq çevrə yaratmalarının vaxtı çatdığına dair söz-söhbətlər dolaşmaqdadır. Bir sıra medialar rəsmi mənbələrin təsdiq, yaxud inkar etməsini gözləmədən artıq bu mövzunu xəbər başlığına çıxarıblar.

Şübhəsiz, Amerikanın artıqtamahlığı qarşısında vahid bir çevrə yaradılmalıdır ki, ən azından gərginlik yaşanan Yaxın Şərqdə düyünləri açmaq mümkün olsun. Amma bu birliyin hal-hazırda yaranıb-yaranmamasını nəzərə almadan, bir həmrəyliklə – xüsusən də İran İslam Respublikası Türkiyəyə xitab edərək bu ölkəni əmin edə bilər ki, Türkiyə əsla tək qalmayacaq, Ankara sanksiyaları təsirsiz qoymaq istəyirsə, hətta ruslar və çinlilərin köməyi olmadan belə, böyük və müsəlman İran xalqı heç vaxt Türkiyəni tək qoymayacaq.


  • Yazılıb
  • da (də) 2018 Aug 21
  • Göndərən مدير سايت Aran News