İsrail qüvvələri İordan çayının qərb sahilinin Cənin şəhərinə bağlı Taybə kəndinə basqın edərək, oğlunun təslim üçün atasını nəzarətə alıb.
Arannews-səhər saatlarında bölgəyə gələn çoxsaylı İsrail əsgəri Xalid Əhməd İğbariyə adlı fələstinlinin evinə basqın təşkil edib axtarış aparıb.
İsrail qüvvələri ev əşyalarına zərər verərək, apardığı axtarışdan sonra həbs etmək istədiyi fələstinlini tapmadıqda atasını təhdid etməyə başlayıb və oğlunu təslim olmağa məcbur etmək üçün Səlim hərbi hissəsinə aparıb.Qeyd edək ki, işğal altındakı İordan çayının qərb sahili və Şərqi Qüdsdə tez-tez evlərə basqın edən İsrail qüvvələri müxtəlif iddialarla fələstinliləri nəzarətə götürür. İsrail rejimi həbsxanalarında 300-ü uşaq olmaqla, təxminən 7 min fələstinli var və bu say durmadan artır