İraqın baş naziri Heydər Əl-Əbadi Əl-Həşduş Şəbi qüvvələrinin indiki vəziyyətdə böyük şəhərlərdən çıxmasının məntiqli olmadığını vurğulayıb.
Arannews-Deyerler.org Təsnimə istinadən xəbər verir ki, Heydər Əl-Əbadi verdiyi açıqlamasında, İraqın Əl-Həşduş Şəbi könüllü xalq qüvvələrinin böyük şəhərlədən çıxmasının İŞİD terrorçularının bu şəhərlərə qayıtmasına səbəb olacağını deyib.
İraqın baş naziri Əl-Həşduş Şəbi qüvvələrinin komandirləri ilə görüşündə, onların terrorizmlə mübarizədəki uğurlarını təqdir edib. “Əl-Həşduş Şəbi İraqın böyük mərcəyi təqlid alimi Ayətullah Sistaninin fətvasına ləbbeyk deyərək quruldu və bu qüvvələr canlarını, mallarını İraq üçün fəda etdilər.
Əl-Həşduş Şəbi qüvvələrinin zəiflədilməsi üçün ediləcək istənilən təşəbbüsə şəxsən özüm və hökumətim mane olacaq”, - deyə Əl-Əbadi bildirib.