2014-cü ildə İŞİD-ə sızan İraq kəşfiyyatı əməkdaşı kapitan Harit əs-Sudaninin İŞİD-in İraq ərazilərində törətməyi planlaşdırdığı 48 hücumuna mane olduğu irəli sürülüb.
Arannews-Bu barədə “Al-Watan” qəzetində xəbər yer alıb.Xəbərə görə, ötən il yanvar ayında təşkilat tərəfindən edam edildiyi düşünülən əs-Sudaninin kimliyi ortaya çıxana qədər İŞİD-in paytaxt Bağdad və onun ətrafında həyata keçirməyə çalışdığı çoxsaylı böyük terror hücumuna mane olduğu güman edilir. Yerli mətbuatda çıxan xəbərlərə əsasən, əs-Sudani təşkilatda bombalı nəqliyyat vasitələrini hücum nöqtəsinə aparma işini üzərinə götürübmüş. İddiaya görə, Sudani təşkilat üzvlərindən təhvil aldığı bomba yüklü nəqliyyat vasitələrini bomba məhvetmə qruplarının yanına aparır, sonra hədəflənən bölgədə saxta bombalarla hücum təşkil olunmuş görüntüsü verirdi.2016-cı ildə Bağdadın əl-Hurriyə ərazisindəki bazarı hədəfə alan nəqliyyat vasitəsi hücumunun əslində heç yaşanmadığı, bunun yerinə bölgədə saxta bomba partladıldığı, bir qrup şəxsinn də ölü və yaralı təqlidi etdiyi iddia olunub. Polisin hadisə yerində çəkilən təhlükəsizlik kamerası görüntülərini təqdim etdiyi, İŞİD-ə bağlı “Amaq” xəbər agentliyinin də hücumun məsuliyyətini təşkilatın üzərinə götürdüyünü elan etdiyi bildirilir.Əs-Sudaninin rəhbəri Əbu Əli əl-Bəsri “Daily Mail” qəzetinə verdiyi müsahibədə “İŞİD ondan şübhələnməyə başlayanda nəqliyyat vasitəsinə bir dinləyici qoyub. Təşkilat liderləri (əs-Sudaninin) bizimlə apardığı söhbətləri eşidəndə edam əmrini verib”, – deyib.İş yoldaşları kapitanının 2017-ci ilin avqustunda İŞİD tərəfindən yayılan edam videosunda görünən 4 nəfərdən biri olduğunu hesab edir, ancaq bu günə qədər əs-Sudaninin cəsədi tapılmayıb.