BMT-nin Myanma barəsində faktaraşdırıcı komitəsinin üzvləri bildiriblər ki, Myanmanın Raxin əyalətində Ruhinqa müsəlmanlarının vəziyyəti insan faciəsinə çevrilibdir.
Arannews-BMT-nin Myanma barəsində faktaraşdırıcı komitəsinin üzvləri Cenevrədə keçirilən mətbuat konfransında özlərinin yekun hesabatlarında vurğulayıblar: Myanma dövləti bu təhqiqatda bizimlə həmkarlıq etmədi və bu ölkənin ötən bir neçə onillik ərzindəki siyasətləri ruhinqalı müsəlmanların kənara qoyulmalarına bais olubdur.BMT-nin Myanma barəsində faktaraşdırıcı komitəsinin sədri Marzuki Darusman da bildiribdir ki, Myanma ordusu soyqırımı niyyəti ilə Ruhinqa müsəlmanlarına qarşı kütləvi qırğın və təcavüz həyata keçiribdir.Marzuki Darusman həmçinin vurğulayıb ki, Myanma ordusunun baş komandanı və beş generalı Ruhinqa müsəlmanlarına qarşı ən böyük cinayətləri koordinasiya etmək səbəbi ilə qanun əsasında mühakimə edilməlidir.BMT-nin Myanma barəsində faktaraşdırıcı komitəsinin hesabatında həmçinin deyilir ki, Myanmanın ali dövlət müşaviri və xarici işlər naziri Aun San Su Çji Ruhinqa müsəlmanlarına qarşı cinayətlərin törədilməsinin qarşısının alınması üçün öz ixtiyarlarından istifadə etməyibdir.Myanma ordusunun bu ölkənin Raxin əyalətində Ruhinqa müsəlmanlarına qarşı hücumlar dalğasında 2017-ci il avqustun 25-dən bəri altı mindən çox insan öldürülüb, səkkiz min nəfər də yaralanıbdır. Bir milyondan çox insan da Banqladeşə qaçmağa məcbur olubdur.