Tarix : 2018 Sep 01
Kod 56284

Ərdoğan: Dollarla-molarlarla bu milləti heç vaxt çökdürə bilməyəcəklər

Türkiyə Prezidenti Rəcəb Tayyib Ərdoğan Balıkesir vilayətinin Zağanos Mehmet Paşa məscidində qıldığı cümə namazından sonra vətəndaşlara müraciət edib.
Arannews-FaktXəbər-in məlumatına görə, məscidin önəminə toxanan Ərdoğan bildirib ki, bunlar istiqlal mübarizəsinin mənalarıdır: "Mən qarşımda bu istiqlal və istiqbal mübarizəmizin varislərini görürəm. Siz əziz qardaşlarımın seçkilərində bu qardaşlarınıza 50 faizə yaxın səs dəstəyiniz görə də təşəkkür edirəm. İnşallah, yaxınlaşan 2019-c ilin mart seçkilərində sizlərlə birlikdə daha güclü şəkildə getməkdə qərarlıyıq. Bərabər davam edəcəyik inşallah. Bizi parçalaya bilməyəcəklər, bölə bilməyəcəklər. Siz orda-burda bu təhdidlərə heç vaxt fikir verməyin. Bu millət təhdidlərlə həzm ediləcək millət deyil. Bizi kimsə həzm edə bilməz. Biz bu günə qədər heç bir bəşəri gücün önündə əyilmədik. Biz yalnız və yalnız Allahın hüzurunda rüku və səcdədə əyildik. Onların dollarları varsa, bizim Allahımız var. Dollarla-molarlarla bu milləti heç vaxt çökdürə bilməzlər".Daha sonra Ərdoğan vətəndaşlardan bir-birilərini çox sevmələrini xahiş edərək, "nə olar, bir-birinizi çox sevin. Fitnəyə, fəsada əsla qulaq asmayın. Çünki bizim bir xüsusiyyətimiz var. Nədir o? Bir-birimizi Allah üçün sevmək. Bunu yerinə yetirək. Çünki bir-birinizi sevməsəniz, imanınız kamil olmaz. Buna diqqət edək. Onun üçün də bir olacağıq, iri olacağıq, diri olacağıq, qardaş olacağıq."

  • Yazılıb
  • da (də) 2018 Sep 01
  • Göndərən مدير سايت Aran News