Bu gün 18 zilhiccə İslam Peyğəmbərinin (s) həzrət Əlini (ə) öz canişini elan etdiyi gün və müsəlmanların böyük bayramıdır.
Hicrətin onuncu ilində Həzrət Məhəmməd (s) həcc mərasimini yerinə yetirmək üçün Məkkəyə getdi və həmin il həccin hökmləri müsəlmanlara çatdırıldı. Həcc səfərindən qayıtdıqda Cöhfə və Qədir-Xum düşərgəsində Peyğəmbər (s) Allahın əmri ilə camaatı bir yerə topladı, o böyük toplantıda həzrət Əlini (ə) öz canişini kimi tanıdaraq buyurdu: “Mən hər kəsin mövlasıyamsa, Əli də onun mövlasıdır.”
Qədir-Xum bayramı dinin təkmilləşdiyi, Əmirəlmöminin Əlinin (ə) vilayətinin insanlara çatdırılması, İslam peyğəmbəri həzrət Məhəmməd Mustafanın (s) risalətinin təkmil olduğu gündür.Rəhmət və mehribanlıq peyğəmbəri o isti səhrada, çətin şəraitdə izdihamlı bir cəmiyyəti dayandırır, öz risalətini yerinə yetirərək özündən sonrakı canişinini xalqa elan edir.
Bu günləri Əli (ə) nidası İslam aləmində nübüvvət yoluna və həzrət Adəmdən (ə) həzrət Xatəm Məhəmməd Mustafaya (s) qədər bütün ilahi peyğəmbərlərin yolunun davam etməsinə müjdədir.
AranNews-30 avqust 2018