Gürcüstanda 39 nəfər prezident seçkilərində namizəd kimi iştirak etmək üçün Mərkəzi Seçki Komissiyasına (MSK) müraciət edib.
Arannews-Bu barədə Gürcüstan MSK-nın mətbuat katibi Ana Mikeladze məlumat yayıb.Onun sözlərinə görə, müraciət edənlərin 20 nəfəri təşəbbüs qrupu, yerdə qalan 19 nəfər isə siyasi partiyalar tərəfindən irəli sürülüb: “Bu günə qədər 39 nəfərin yalnız 4-nün prezidentliyə namizədliyi qeydə alınıb. Bunlar “Xalqın səsi” Birliyindən Mixail Saluaşvili, “Yeni Gürcüstan-Vətəndaş Platforması”ndan Zviad Baqdavadze, Leyboristlər Partiyasından Şalva Natelaşvili və “Avropalı Gürcüstan” Partiyasından David Bakradzedir”.Gürcüstanda prezident seçkiləri bu il oktyabrın 28-də keçiriləcək. Prezidentliyə namizədliyini vermək istəyən şəxslər seçki gününə 40 gün qalmış MSK-ya ən azı 23 923 imza təqdim etməlidirlər.