Arannews-İslaminSesi.info – İmam Hüseynin (ə) Kərbəla hərakatı tez bir zamanda içtimai rezonans doğuraraq öz təsirini göstərməyə başladı. Bu hərakat Əməvi xanədanının sütunlarını titrədərək onları tənəzzülə doğru çəkməyə başladı. Xüsusən də şəhərlərdə, bölgələrdə etiraz dalğaları yüksəlməyə başladı. Bu etiraz dalğalarından biri də Mədinədə başladı. Peyğəmbər (s) övladının qətlindən narahat olub təşvişə düşən mədinəlilər Yezid sarayına bir neçə nümayəndə göndərib əhvalı öyrənməyə çalışdılar. Göndərilən elçilər pis təəssüratla qayıdıb, peyğəmbər (s) minbərində, xilafət kürsüsündə əyyaş və ləyaqətsiz birinin oturduğunu əhaliyə çatdırdılar.
Peyğəmbər (ə) ailəsinin qətli və elçilərin pis xəbərlə dönüşü hicrətin 63-cü ilidə Mədinədə böyük bir etiraz dalğası yaratdı. Mədinəlilər Abdullah ibn Hənzələnin ətrafında toplanıb minə yaxın Əməvi əsgər və işçilərini tərksilah edib mühasirəyə aldılar.
Vəziyyəti belə görən Yezid, Muslim ibn Ətəbənin rəbərliyi ilə böyük bir ordunu Mədinəyə tərəf yolladı. Mədinəlilər döyüşmək istəmirdilər. Onlar öz tələblərini irəli sürüb, anlaşma tələb etdilər. Müslim ibn Ətəbə onlarə toxunmayacağını bildirdi. Lakin əsirlər buraxıldıqdan sonra, Müslim sözünün üstündə durmayıb, zilhiccənin sonunda Mədinəyə girdi və 3 gün ərzində bütün şəhəri yağmalayıb, qan gölünə çevirdi. Hətta tarixi mənbələrdə 4000 və ya 10000 arası insanın qətl edildiyi qeyd olunur. O cümlədən 80 səhabənin və 700 Quran hafizinin qət edildiyi ildirilir. Adullah in Hənzələni və övladlarını isə edam etdilər.
Yaşar Nuriyev